Read Pangasinan SARAY PROBIRBIO 26 Bible Online

SARAY PROBIRBIO 26 - Pangasinan bible

SARAY PROBIRBIO 26

¹"Say dayew et aliwan manepeg ed toon makulang-kulang, a singa say yilo no tiagew odino say oran no panagani.

²"Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.

³"Nepeg mon leweten so kabayo, nepeg mon balungosan so asno, tan nepeg mon leweten so toon makulang-kulang.

⁴"No ebatan mo so tepet ya andi-kabaliksan, magmaliw kan andi-kabaliksan a singa anepet.

⁵"Ebatan mo na andi-kabaliksan so tepet ya andi-kabaliksan, et say anepet nabirbir to ya aliwan masilib lamlamang.

⁶"No ibakim a mangyakar na balita so makulang-kulang, singa susugaten mo ray dilin salim; onkekerew ka na golo.

⁷"Say toon makulang-kulang a mangikakanay probirbio et singa toon lopuy a mangikakanad saray laoylaoy a sali to.

⁸"Say pangidayew ed toon makulang-kulang et singa pangisinger na bato ed bansut.

⁹"Say toon makulang-kulang a mamibitla na probirbio et singa abuek a mamabagut na sabit a nipanek ed lima to.

¹⁰Say toon mamakimey ed ondadalan a toon makulang-kulang et singa pumapana a papasakitan toy anggan siopa.

¹¹Say toon makulang-kulang ya ooliten ton gawaen so kalokowan to et singa ason kakanen toy inota to.

¹²Say toon makulang-kulang et magmaung niy kipapasen to nen say toon ipapasen toy sikaton dili a makabat anta andi.

¹³Say toon mangiras diad ag to ipapaway ed abung to ikuanton ibabaraan, Walay lion ed saray basbas. Walay lion ed saray dalan.

¹⁴Say toon mangiras a pigar-pigar ed katri to et ag makaalis a singa kaput ya onlolokas tan onkakaput.

¹⁵Wala ray totoo a diad gaway ngiras da ag da nisobo so kanen da.

¹⁶Say toon mangiras ipasen to a masilib ni nen saray pitoran lalaki a napaneknekan da so ibabaga ra.

¹⁷Say pibabalid kolkolan ya ag mo nepeg a pibiangan et singa panlampinit ed ason ondadalan.

¹⁸Say toon papalikdoen toy kapara ton too, insan to ibagan manlulurey labat et aliling toy toon ambagel a panggaggalawan toy armas a makapatey.

²⁰Naerep so apoy no naoput lay kiew; ontonday kolkolan no anggapo lay pantatalabutoban.

²¹Say oring papepetangen toy ngalab, say kiew padadalangen toy apoy, tan saray magolo pansiasiansiaen day kolkolan.

²²Agaylay nanam so panagtalabutob. Agay lay panlabay tayo ya akmonen!

²³Say maamuyot a pananalita a panakub na petepeteg mon nununoten et singa panagpasileng ya iyokup ed dalin a kagawaan.

²⁴Say toon mansimpisimpitan isasanib tod saray makapalikdon salita to so pambosul to.

²⁵Nayarin marakep so panagsalita to, balet ag mo sisigsiaen, ta ontan lay bosul a popokoken tod puso to.

²⁶Anggaman ya ag to ipapatnag so pambosul to, nanengneng balet na balang sakey a too iray maoges a gagawaen to.

²⁷Saray totoon mamapatit ed kapara ran totoo et naeerel irad dilin patit da. Saray totoon mangipapatolin na bato et sikaray pawilan to.

²⁸Saray totoon matila kabosul day titilaan da. Deral so iiter na saray salitan makapalikdo.