Read Pangasinan SAY KANTA NEN SOLOMON 2 Bible Online

SAY KANTA NEN SOLOMON 2 - Pangasinan bible

SAY KANTA NEN SOLOMON 2

¹"Siak so sakey labat a rosas a balang ed Saron sakey a lirio ed patar na palandey.

²"Sakey a lirio ed kawalaan da ray kasabitan so aliling na inarok ed kawalaan da ray bibii.

³"Sakey a kiew na mansanas a walad takel so aliling na inarok ed kawalaan da ray arum a lalaki. Labalabay koy onyorung ed anino na saman a kiew; masamsamit so pakataway ko ed saray bunga to.

⁴"Inyakar to ak ed kawalaan na ponsia ton baleg, et kinolibembenan to ak na panangaro to.

⁵"Pakan mo ak na saray pasas, pian ombiskeg ak tan paligsam so liknaan ko diad pamakan mod siak na saray mansanas! Makapoy ak lapud panangaro.

⁶"Dinanganan ko so kawigin taklay to tan popoyuken ak na kawanan a lima to.

⁷"Isipan yod siak, sikayon bibiid Jerusalem; mansamba kayod ngaran na mabatik ya ulsa odino diad ayep o korso ya ag yo kami sisigensigenen ed arowan min dua.

⁸"Narerengel koy bosis na inarok. Mambabtik ya ombebeltang ed kapalandeyan tan kapokdulan diad iyaasingger tod kawalaan ko.

⁹"Singa sakey a korso so inarok, singa sakey a kalakyan a kilaw na ulsa. Wadman lan manaalagey ed abay na padir. Ontatakiling ed bintana, onnenengneng ed leet da ray barandilyas.

¹⁰Mitotongtong ed siak so inarok. Gala sirin, O inarok; mila kad siak, O pinablik.

¹¹Asumpal lay panaon na ambetel; tinmonda lay nepnep;

¹²ombubuskag la ray rosas ed kaalogan. Panaon la natan na panagkanta; narerengel lay oni da ray malapati ed kaalogan.

¹³Naluluto la ray bungay igos; mansamyung lay balingit na saray rosas da ray ubas. Gala sirin, O inarok; mila kad siak, O pinablik.

¹⁴Singa ka malapatin onaamut ed lengat na baleg a bato. Nengnengen ko pa tay malimgas a lupam tan dengelen ko pay masamsamit a bosis mo.

¹⁵Erel mo ray asod katakelan, saray ankelag ya asod katakelan, kasakbayan dan naderal iray manrorosas a kaubasan ta.

¹⁶Kayaryan ko so inarok, tan kayaryan to ak. Pankakabkaben tod kawalaan da ray lirio iray karniro to

¹⁷ya anggad onsiplug lay dagem na kabwasan tan onandipat lay bilonget. O inarok, pawil kan singa korso, pawil kan singa kalakyan a kilaw na ulsa, ed kapalandeyan na Beter.