Read Pangasinan SAY KAKABATAN NEN SOLOMON 9 Bible Online

SAY KAKABATAN NEN SOLOMON 9 - Pangasinan bible

SAY KAKABATAN NEN SOLOMON 9

¹"Dios na saray lalakik, mapangasin Katawan, diad panamegley na salitam pinalsam ya amiy bengatla.

²"Diad panamegley na Kakabatan mo, ginawam ya oleyan na too iray amin a pinalsam,

³"oleyan tod inkasanto tan inkatonung so sankamundoan, ipakurang toy kaptekan a kataruk na kalinisan.

⁴"Itdan mo ak pay Kakabatan ya akayorung ed abay na tronom; itdan mo ak pay pasen ed pegley da ray anak mo.

⁵"Siak so aripen mo, a singa si inak ya akaona nen siak. Sakey ak labat a too. Aliwa ak a mabiskeg, tan antikey so bilay ko. Melag so pakatalus kod Ganggan tan no panoy pangikanak.

⁶"Anggan bilang ayadyari so sakey a too, nipasen a singa anggapo no andid sikatoy Kakabatan a manlalapud sika.

⁷"Pinili mo ak ed saray arum a totoo a magmaliw ya ari na saray dilin totoom, tan manintinsia ed saray anak mon lalaki tan bibii.

⁸"Imbagam ed siak a mamaalagey ak na Timplo ed masanton palandey mo, sakey ya altar ed Jerusalem, say siudad a pinilim a panayaman mo. Kapara ya na Timplo ed tawen ya imparaan mo nen gapo.

⁹"Kaibam so Kakabatan tan amta to ray gagawaen mo; walad abay mo nen ginawam so mundo. Amta toy pakaliliketan mo, no antoy maung tan ontokuy ed saray ganggan mo.

¹⁰Ibakim pay Kakabatan manlapud saray masanton katawenan, manlapud mapagalang a tronom, pian makapankimey ed abay ko, tan naaralan ko no antoy pakaliliketan mo.

¹¹Amta tan natatalusan toy amin a bengatla, tan maptek ya iwanwan to ak ed saray gagawaen ko. Iyagel ak na kagalangan to.

¹²Maptek kon sintinsiaan ed satan iray totoom, tan magmaliw ak a manepeg ed trono nen amak. Magmaliw a makapaliket iray gawaen ko.

¹³Siopay makaaral na linaway Dios?

¹⁴Ag ya nayarian a gawaen na kanunotay too, tan ibabalang kami na saray pilosopiya mi,

¹⁵lapud pabebelaten na laman min ompatey so kamarerwa mi. Say laman et sakey ya ag mansiansian bengatlan ginawad dalin, sakey a samper ed ag manondan kanunotan.

¹⁶Papalaranan mi labat iray nipaakar ed dalin; nepeg min panirapan ya aralen iray bengatlan asingger ed sikami. Siopa sirin so makapanilalo a natalusan to ray mangatatawen a bengatla?

¹⁷Anggapoy toon makaamta na linawam likud no inter mod sikaton onona so Kakabatan, tan imbakin so ispiritu santom ed sikato.

¹⁸Diad onyan polaing, saray totoo et nilira ra ed dugan dalan, naaralan day makapaliket ed sika, tan inyarawi ra na Kakabatan ed kaatapan.