Read Pangasinan SIRAC 26 Bible Online

SIRAC 26 - Pangasinan bible

SIRAC 26

¹"Mapalar so lakin asawa na maung a bii; mamidway karokey na pambilay to, lapud asawa to.

²"Liket na laki so asawa ton masimpit, tan maliket so pambilay to ya anggad ag to ipatey.

³"Say maung ya asawa et sakey ed saray mablin bindision a niiter ed saray lalakin ontatakot ed Katawan.

⁴"Anggan mayaman odino mairap so bilay na sarayan lalaki, maliket ira tan magayaga lawas so nengneng da.

⁵"Walay apatiran bengatlan mamapatakot ed siak: saray aliwan tuan balbalita a niwawakawak ed baley, say grupo na totoon manggaway golo, saray tilatilan panagakusamaoges ni ra ya nen say patey.

⁶"Balet panlalapwan na sakit na olo tan ermen so pangimon na sakey a bii ed sananey a bii; pasakitan na dila to so amin a too.

⁷"Singa pakon aliway lira to ed tenger so makapoy ya asawan bii. Singa pamemben na alakdan so pamatoluk ed sikato.

⁸"Makapangungot a nengnengen so sakey ya abuek a bii; ag to niamut so andi-baing a kagagawa to.

⁹"Nibagam so biin aliwan matoor ya asawa diad panamegley na makaayayat tan mankindat iran mata to.

¹⁰No ipasoot na anak mon bii so labay to, bantayan mon maung. No ag mo bantayan, anamuten toy antokaman a pankanawnawa to.

¹¹No lawas ton oonuren so labay to manalwar ka, tan ag ka mankelaw no onsumpad sika.

¹²Diad anggan iner a pasen ikayang to ray ulpo tod siopaman a lakin malabay ed sikato, a singa napgaan a bumabiahi ya inomen toy antokaman a danom a nayarian ton inomen.

¹³Gayaga na laki so makalakal ya asawa; ombibiskeg so sakey a laki lapud karunongan na asawa to.

¹⁴Rigalo na Katawan so asawan bii ya aliwan malabir. Mablin tuloy so ogalin napokpokan so sangi.

¹⁵Ag onkupas so ganggana na asawan biin masimpit; ag nasugat so kablian na ontan ya ogali.

¹⁶Say ganggana na maung ya asawa diad masinup ya abung to et singa agew ed kaagwan ya onsisinag ed tawen na Katawan.

¹⁷Say magangganan lupa to tan say makaayayat ya impanlaman to et singa karakep na liwawan manlalapud masanton lamparaan ed Timplo,

¹⁸tan singa balituk a pokel na lamparaan a nilira ed pilak a dapan iray marakep a bikking to tan saray mabiskeg a sali to.

²⁸Walay duaran bengatlan mamapaermen ed siak, tan walay kumatlon pamapasnuken to ak: sakey a sondalon nagmaliw a mairap-bilay, saray maotek a totoon ag gagalangen, tan sakey a toon matonung a manggagaway kaogsan. Patey so panusa na Katawan ed satan a too!

²⁹Mairap a napaliisan na sakey a nigosianti so panggaway makapoy; makasalanan so kapag managlako.