Read Pangasinan SIRAC 49 Bible Online

SIRAC 49 - Pangasinan bible

SIRAC 49

¹"No nunoten si Josias, singa samit na balingit na dugarugan inkalauk na insinso, masamit a singa dilo ed taway, singa musikan kaibay alak ed sakey a ponsia.

²"Tinombuk toy dugan totontonen nipaakar ed pangapiger ed kipapasen na bansa tan inekal toy makapaingungot a panangigalang ed saray talintaoy diriyos.

³"Sikatoy sigput a matoor ed Katawan tan pinabiskeg toy tuan rilihion ed saraman a maoges a panaon.

⁴"Mapalaloy impankasalanan da ray amin ya arari likud ed kindi David, Ezekias, tan Josias, lapud inkaindan da so Ganggan na Sangkatageyan ya anggad impangangga na nanarian.

⁵"Insuko ray pakayari tan kagalangan da ed saray totood arum a bansa

⁶"ya amool ed masanton siudad tan anaynan a begtebegtew ed saray dalan, onung na impasakbay nen Jeremias.

⁷"Aliwliway impanggagawa rad sikato, anggaman a sikatoy apili lan sakey a propita kasakbayan na inkianak to, a mamagut tan mangitumba, mineral tan manalo, balet mamaalagey tan mantanem, met.

⁸"Si Ezekiel so akapangipanengnengan na pasingayew na kagalangan na Dios. Anengneng to ya diad tagey na karwahi tan saray mabilay a pinalsa.

⁹"Binitla to met si Job a maung lawas so ginagawa to.

¹⁰Ombangon komun ed balon bilay iray pokel na labinduan propita, lapud pinabiskeg na sarayan totoo so linawa da ray totood Israel tan inlaban da ra diad panamegley na ilalon malet.

¹¹Panoy pangidayew tayod Zerubabel? Sikatoy singa singsing a panagtimbri na ari a walad kawanan na limay Katawan,

¹²a singa si Josue a lakin anak nen Josadak. Pinasimbalo ran impaalagey so masanton Timplo na Katawan, ya ingganan para andi-anggaan ya inkabantug.

¹³Baleg met so pakanudnunotan ed kinen Nehemias. Pinasimbalo ton impaalagey iray aderal a padir na Jerusalem, tan inyan to ray puirta tan saray balewet. Pinasimbalo to met ya impaalagey iray kaabungan tayo.

¹⁴Anggapoy miparad kinen Enoc a nankurang ed tapew na dalin, ta mabilay a niatagey ed tawen.

¹⁵Anggapoy singa si Jose ed saray nianak a totoo; apagalangan iray anggan pokel to.

¹⁶Mapalalon apagalangan ira di Sem, Set, tan Enos, balet baleg niy kagalangan nen Adan nen say siopaman a too.