Read Pangasinan SIRAC 5 Bible Online

SIRAC 5 - Pangasinan bible

SIRAC 5

¹"Ag ka onsasaral ed kuarta a pagmaliwen to kan mambilay a kabukbukoran.

²"Ag mo iisipen a nakaukolan a niwalad sikay amin a labay mo, insan ikanam ya amiy biskeg mo ed pakalam.

³"Ag mo iisipen ya anggapoy toon makapanoley ed sika; no isipen moy ontan, andi-duaruwan dusaen ka na Katawan.

⁴"Ag mo iisipen a nayarian moy mankasalanan, insan mo nibatikan; anggapoy walad Katawan so panalagar na panusa tod sika.

⁵"Ag mo panmamatalkay panamirdona na Katawan, pian mankasalanan ka lan mankasalanan.

⁶"Ag mo iisipen a diad kabaleg na panangasi to et pirdonaen to ray kasalanan mo anggan anto lay karakel da. Ipapanengneng toy panangasi to, balet ipapanengneng to met so ontan lan pasnuk to ed saray makasalanan.

⁷"Ganatan moy ompawil ed Katawan. Ag mo iisipen a nikuntang mo lan nikuntang. Nayarin onsabid sikan bigla so pasnuk to, et ompatey ka a walad silong na pananusa to.

⁸"Ag ka onsasaral ed kayamanan a nalad kasaolan; anggapoy nagawaan tod sikan kaabigan no agew na deral.

⁹"Nakaukolan ya anggapoy duaruwa so nipaakar ed sisisiaen mo tan anggapoy pansusumlangan na ibabagam. Ag mo sasalien a paliketen so balang sakey a too odino abubonan moy ibabagay totoo.

¹⁰Nepeg ya akaparaan ka lawas ya ondengel, balet nunot mon maung so iyebat mo.

¹²Ebat ka labat no amtam so salitaen mo, tan mandeen ka no ag mo amtay ibagam.

¹³Say pansalita nayarin itdan to kay kagalangan odino ipelag tod kad kababaingan; nayarin deralen ka na ibabagam.

¹⁴Ag mo gagamuray inkabantug na sakey a managtalabutob, tan ag ka maniistoria na pakasakitan na saray totoo. No panoy pakapelag na saray matatakew ed kababaingan, ontan met so panlikna na saray matitila na ontan lan dusa.

¹⁵Ag ka manggagawa na antokaman a makaderal, importanti man odino andi,