Read Pangasinan LEVITICO 17 Bible Online

LEVITICO 17 - Pangasinan bible

LEVITICO 17

¹"Say Katawan ingganggan toy Moises

²"ya iter tod kindi Aaron tan saray anak ton lalaki tan amin ya Israelita iray onggendan a totontonen.

³"Say Israelitan mamatey na baka odino karniro odino kanding diad pasen ya aliwan diad lolooban na Tuldan Ayamay Katawan tan ibagat tod Katawan, onsumlang ed Ganggan. Angibung na dala, kanyan ag la nibilang a sakey ed saray totoo na Dios.

⁵"Say kabaliksan to yan ganggan et saya: saray Israelita et iyakar da la natan ed Katawan iray ayep a diad kaalogan so pamapateyan da nen saman. Awiten da la ra natan ed pari diad lolooban na Tulda tan pateyen da ran ibagat a para kareenan.

⁶"Say pari isibo tod saray dapag na altar a walad lolooban na Tulda so dala, tan poolan toy taba a mangiter na balingit a makapaliket ed Katawan.

⁷"Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

⁸"Siopamay Israelita odino sangkailin manaayam ed kawalaan da ray Israelita a mangisaklang na bagat a popoolan odino arum a bagat

⁹"ed Katawan diad arum iran pasen ya aliwan diad lolooban na Tulda, ag la nibilang a sakey ed saray totoo na Dios.

¹⁰No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

¹¹Walad dala so bilay na amin a pinalsan mabilay; sikato yay makasengeg a say Katawan ingganggan to ya amin a dala et ibungen ed tapew na altar pian naekal iray kasalanan na totoo. Say dala a sikatoy bilay et mamaandi na saray kasalanan.

¹²Sikato yay makasengeg a say Katawan et imbaga tod saray totood Israel a sikara odino siopaman a sangkailin manaayam ed kawalaan da ray Israelita et ag nayarin mangan na dala.

¹³No say sakey ya Israelita odino sakey a sangkaili a manaayam ed kawalaan da ray Israelita et mangerel na ayep odino manok a malinis onung ed ganggan, nepeg ya ipaterter tod dalin so dala to insan to tabunan na dalin.

¹⁴Walad dala so bilay na amin a pinalsan mabilay; sikato yay makasengeg a say Katawan imbaga tod saray totood Israel ya ag ira mangan na dala tan ag la nibilang a sakey ed saray totoo to so siopaman a mangan na dala.

¹⁵Siopaman a too, Israelita man odino sangkaili, a mangan na karni na ayep ya inatey a bukor odino pinatey na ayep ed takel et nepeg ya ipesak toy kawes to, manames, tan manalagar ya anggad labi kasakbayan a magmaliw a malinis onung ed ganggan.

¹⁶No ag to ra ya gawaen, nadusa.