Read Pangasinan EZEKIEL 19 Bible Online

EZEKIEL 19 - Pangasinan bible

EZEKIEL 19

¹"Imbagad siak na Dios a kantaen ko yan maermen a kanta a para saray duaran prinsipi na Israel:

²"Talagan singa lion so ina yo! Pinabaleg to ray anak tod kawalaan da ray masebeg a lalakin lion.

³"Pinabaleg toy sakey ya anak to, tan binangatan ton mananup; nagmaliw yan anak to a managsiray too.

⁴"Nadngelan na saray bansa so nipaakar ed sikato tan pinatitan da ed sakey ya abut. Tinagaan da insan da ingayugoy ed Egipto.

⁵"Nanalagar imay ina ya anggad naandian la na ilalo. Insan pinabaleg to lamet so sakey ya anak to, et binmaleg yan anak to a sakey a masebeg a lion.

⁶"Nen nagmaliw lan baleg a lion, nanaakar-akar a kaiba toy arum a lion. Naaralan to met so mananup tan nagmaliw a managsiray too.

⁷"Nililingkay to ray tirinsira, dinederal to ray baley. Kapag mangwam natatakot la ray katoowan ed dalin.

⁸"Nantitipon iray bansa a mibakal ed sikato; nanlalapud inerman a pasen iray totoo. Imbuskag da ray iket da tan inerel da ed patit da.

⁹"Inkarga ra ed sakey a kolungan tan inyakar da ed ari na Babilonia. Impokuk da insan da impabantayan, pian ag lan balut narengel ed kapokdulan na Israel so pangwam to.

¹⁰Say ina yo et singa sakey a sengeg na ubas a nitanem ed abay na kolus. Lapud daakan so danum malamlambut so bolung to, amayamay so bunga to.

¹¹Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

¹²Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

¹³Nitanem la natan ed kalawakan, diad amaga tan anggapoy danum a dalin.

¹⁴Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.