Read Pangasinan JONAS 2 Bible Online

JONAS 2 - Pangasinan bible

JONAS 2

¹"Dimad dalem na eges na sira si Jonas nampikasid Katawan a Dios to:

²"Diad kaermenan ko, O Katawan, tinmawag ak ed sika, et inebatan mo ak. Manlapud dalem na pasen a panaayaman da ray inaatey tinmawag ak a kinmerew na tulong, et dinengel mo ak.

³"Imbantak mo ak ed kaaralman na dayat, diad daledalem na dayat, ya aliber-liber ak na danum, tan atabun-tabunan ak na ankakabaleg a daluyon.

⁴"Abaloan kon ya atawtaw ak la ed arap mo tan ag ko la nanengneng lamet so masanton Timplom.

⁵"Tinabunan ak na danum, insan to ak inakmun ed kaaralman; tan sigput ak a tinabunan na dayat, tan akobutan na dikad dayat so olok.

⁶"Linma ak ed kaoteotelan da ray kapalandeyan, diad dalin ya angga lad anggan akasara iray puirta to. Balet sika, Katawan a Dios, et inagwat mo ak a mabilay manlapud kaaralman.

⁷"Nen aliknak a nanaoyus so linawak, anunotan ta ka, Katawan, tan nampikasi ak ed sika, et dinengel mo ak ditan ed dalem na masanton Timplom.

⁸"Inkaindan day inkatoor dad sika iray mangigagalang ed saray andikakanaan a talintaoy diriyos.

⁹"Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!

¹⁰Insan say Katawan ingganggan to may sira ya iboga tod gilig na dayat si Jonas, et imbugan tua na samay sira si Jonas.