Read Pangasinan JONAS 4 Bible Online

JONAS 4 - Pangasinan bible

JONAS 4

¹"Naermenan a tuloy si Jonas nipaakar ed sayan inkagawa tan mapalaloy pasnuk to.

²"Kanyan nampikasi, Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

³"Ontan sirin, Katawan, alam pa lay bilay ko. Magmaung nin ompatey ak la nen say mambilay ak ni.

⁴"Inmebat so Katawan, Antoy kanepegan mon mampasnuk?

⁵"Pinmaway ed bokig na siudad si Jonas tan inmirung diman. Nanggawa na tarung to, nanirung ed silong to, tan inalagar toy nagawad Ninive.

⁶"Insan pinatubo na Dios a Katawan so sakey a tanaman ya anarung ed kinen Jonas, pian ag nasalimootan. Mapalaloy liket nen Jonas lapud samay tanaman.

⁷"Balet diad kaimbuas ingganggan na Dios so sakey a bigis a kibkiben to may tanaman, kanyan inatey imay tinmobun tanaman.

⁸"Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, Magmaung nin inatey ak la nen say mambilay ak ni.

⁹"Balet inkuay Dios ed sikato, Antoy kanepegan mon mampasnuk nipaakar ed samay tanaman? Inmebat si Jonas, On, walay kanepegan kon mampasnukmampasnuk ya anggan makasengeg la na ipatey ko!

¹⁰Inkuan na Katawan ed sikato, Sayan tanaman et sanlabi labat a binmaleg tan inatey ed ontombuk ya agew; ag mo nanlingetan tan ag mo pinabaleg. Balet naermenan ka nen inatey.

¹¹Siak ni kasiy ag mangasi ed Ninive amta balbaleg a siudad, tan walaan na sanlasus tan duamplon libo ya anggapoy amtan ogogaw, likud ed saray amayamay ya ayayep?