Read Pangasinan BILANG 1 Bible Online

BILANG 1 - Pangasinan bible

BILANG 1

¹"Diad ononan agew na kumadwan bulan na kumadwan taon na intaynan manlapud Egipto na saray Israelita, say Katawan akisalitad kinen Moises diad dalem na Tuldan Ayaman to diad kalawakan na Sinai. Inkuanto,

²"Sika tan si Aaron ala yo so bilang da ray Israelita onung ed boleg tan pamilya na balang sakey ed sikara. Ilista yoy kangaranan da ray amin a

³"lalakin mantaon na duamplo a mampaatagey a nayarin mansondalo.

⁴"Patulongan kayo ed sakey a panguloy boleg na kapag tribu.

⁵"Sikara yay lalakin panguloy boleg na kapag tribu tan apili ran ontulong ed sayan kimey. Nia ray kangaranan da: Diad tribu nen Ruben, si Elizur ya anak nen Sedeur Diad tribu nen Simeon, si Selumiel ya anak nen Suridai Diad tribu nen Juda, si Naason ya anak nen Aminadab Diad tribu nen Isacar, si Natanael ya anak nen Zuar Diad tribu nen Zabulon, si Eliab ya anak nen Helon Diad tribu nen Efraim, si Elisama ya anak nen Amiud Diad tribu nen Manases, si Gamaliel ya anak nen pedazur (di Efraim tan Manases et anak ira nen Jose) Diad tribu nen Benjamin, si Abidan ya anak nen Gideoni Diad tribu nen Dan, si Ahizier ya anak nen Amisadai Diad tribu nen Aser, si Pagiel ya anak nen Ocran Diad tribu nen Gad, si Elisaf ya anak nen Deuel Diad tribu nen Neftali, si Ahira ya anak nen Enan.

¹⁷Diad tulong na sarayan labinduan lalaki si Moises tan si Aaron

¹⁸impantitipon day amin ya Israelita nen ononan agew na kumadwan bulan tan inlista da ran amin onung na boleg tan pamilya na balang sakey ed sikara. Nilista tan abilang so kangaranan na amin a lalakin mantaon na duamplo a mampaatagey,

¹⁹onung na ingganggan na Katawan. Diad Kalawakan na Sinai inlista nen Moises iray totoo.

²⁰Saray lalakin mantaon na duamplo a mampaatagey a nayarin mansondalo et nilistay kangaranan da onung na boleg tan pamilyan nanlapwan da, manlapud tribu nen Ruben a sankapangulowanan a lakin anak nen Jacob. Saray onggendan et sikaray katiponan na amin a nilista: Diad tribu nen Ruben, apataplo tan anem a libo tan liman lasus Diad tribu nen Simeon, limamplo tan siam a libo tan talon lasus Diad tribu nen Gad, apataplo tan liman libo, anem a lasus tan limamplo Diad tribu nen Juda, pitomplo tan apat a libo tan anem a lasus Diad tribu nen Isacar, limamplo tan apat a libo tan apat a lasus Diad tribu nen Zabulon, limamplo tan pito tan apat a lasus Diad tribu nen Efraim, apataplon libo tan liman lasus Diad tribu nen Manases, talomplo tan duan libo tanduan lasus (di Efraim tan Manases et anak ira nen Jose) Diad tribu nen Benjamin, talomplo tan liman libo tan apat a lasus Diad tribu nen Dan, anemaplo tan duan libo tan piton lasus Diad tribu nen Aser, apataplo tan sakey a libo tan liman lasus Diad tribu nen Neftali, limamp(...)

²¹Saray Levita ag ira nilistan kaiba na saray arum a tribu

²²ta inkuan na Katawan ed kinen Moises,

²³No alaen moy bilang na amin a totood Israel ag mo pibibilang iray kabyangay tribu nen Levi.

²⁴Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

²⁵Kapag iyalis yoy kampo yo, saray Levita so mangyepas ed Tulda tan sikaray mangilira ed balon pankampoan yo. Likud ed sikara pateyen so siopaman ya onabay ed Tulda.

²⁶Saray arum ya Israelita et ilira day kampo ya agrupo-grupo ra; balang sakey walay kawalaan ton grupo tan walad silong na dilin bandira to.

²⁷Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.

²⁸Sinumpal sirin na saray Israelita iray amin ya ingganggan na Katawan ed kinen Moises.