Read Pangasinan BILANG 30 Bible Online

BILANG 30 - Pangasinan bible

BILANG 30

¹"Si Moises inter to ray onggendan a bilin ed saray pangulo da ray tribu na Israel.

²"No manggaway sinambaan a sipan so sakey a too a mangiter na bengatla ed Katawan odino sambaan to a walay ag to gawaen, nepeg ya ag to deralen so sipan to, no ag ingen sumpalen to so sinalita to.

³"No say sakey a biin tobun-balo a manaayam nid abung na ama to et manggawa na sinambaan a sipan a mangiter na bengatla ed Katawan odino isipan ton walay ag to gawaen,

⁴"nepeg a sumpalen ton amin so sinambaan to odino insipan to anggaman a naamtaan na ama to et anggapoy ibaga to.

⁵"Balet no naamtaan na ama to tan sebelan tod panumpal to ag la nakaukolan a sumpalen to. Sikatoy pirdonaen na Katawan ta sinebelan na ama tod panumpalto.

⁶"No say sakey a marikit et manggaway sinambaan a sipan a ginagala to odino andi-nunotan, odino isipan ton walay ag to gawaen, insan akiasawa,

⁷"nepeg a sumpalen ton amin so sinambaan to odino insipan to anggaman a naamtaan na asawa to et anggapoy ibaga to.

⁸"Balet no naamtaan na asawa to tan sebelan tod panumpal to, ag la nakaukolan a sumpalen to. Sikatoy pirdonaen na Katawan.

⁹"Say biin balo odino insian nepeg a sumpalen ton amin iray gawaen ton sinambaan a sipan odino saray sipan a walay ag to gawaen.

¹⁰No say sakey a biin walay asawa et manggaway sinambaan a sipan odino insipan ton walay ag to gawaen,

¹¹nepeg a sumpalen ton amin so sinambaan to odino say insipan to anggaman a naamtaan nen asawa to et anggapoy ibaga to

¹²Balet no naamtaan na asawa to tan sebelan tod panumpal to, ag la nakaukolan a sumpalen to. Sikatoy pirdonaen na Katawan, lapud sinebelan na asawa to ed panumpal to.

¹³Say asawa to et walay kanepegan ton mangyabuloy odino manebel ed asawa to diad panumpal tod sinambaan ton sipan odino sipan to.

¹⁴Balet no diad agew na pakaamta tod sinambaan na asawa to et ag to sebelan, say asawan bii et nepeg a sumpalen ton amin so sinambaan to odino insipan to. Inabuloyan to may sinambaan a sipan na asawa to diad ag to impanebel ed samay agew na impakaamta to.

¹⁵Balet no diad arapen et sebelan to lamlamang, nepeg a nadusa lapud ag impakasumpal na sinambaan a sipan.

¹⁶Sikara yay totontonen ya inter na Katawan ed kinen Moises nipaakar ed panggaway sinambaan a sipan na sakey a marikit a manaayam nid abung na ama to odino walay asawa.