Read Pangasinan BILANG 34 Bible Online

BILANG 34 - Pangasinan bible

BILANG 34

¹"Say Katawan inter tod kinen Moises

²"iray onggendan a bilin ed saray totood Israel: No onloob kayod Canaan, say dalin ya iter kod sikayo, saray ketegan na dalin et saray onggendan.

³"Say ketegan ed abalaten et manlapud Kalawakan na Zin a katontonen toy ketegan na Edom. Onggapo ed bokig diad niabalaten a samput na Dayat ya Inatey.

⁴"Insan onlikod niabalaten a mamaarap ed Dalan na Akrabim tan ombeltang ed Zin a mamaarap ya anggad abalaten ed Cades-barnea. Insan onlikod a sagur a mamaara ed Hazar-addar tan onsabi ya anggad Azmon,

⁵"a dimay likoan ton mamaarap ed patar a kawalaan na ketegan na Egipto tan mansamput ed Dayat na Mediteraneo.

⁶"Say ketegan ed sagur et say Dayat na Mediteraneo.

⁷"Say ketegan ed baybay et tontonen toy manlapud Dayat na Mediteraneo ya anggad Palandey na Hor

⁸"tan manlapud man mamaarap ya anggad Dalan na Hamat. Ontuloy ed Zedad

⁹"tan diad Zifron, tan mansamput ed Hazar-enan.

¹⁰Say ketegan ed bokig et tontonen toy manlapud Hazar-enan ya anggad Sefam.

¹¹Insan mamaarap ed abalaten ya anggad Harbel a bokig na Ain, tan ontuloy ed saray kapokdulan diad nibokig a gilig na Dayat na Galilea,

¹²insan diad abalaten tontonen toy Ilog na Jordan ya anggad Dayat ya Inatey. Sikara ya so apatiran ketegan na dalin yo.

¹³Kanyan inkuanen Moises ed saray Israelita, Sikato ya so dalin a kayaryanen yo diad panamegley na pampapalaranan yo, say dalin ya impabetang na Katawan ed saray siamira tan kapalduan tribu.

¹⁴Saray tribu di Ruben tan Gad tan say kapaldua na Manases et inawat da lay betang da, ya inaapag da lad saray pamilyan kabyangay tribu ra,

¹⁵diad nibokig na Jordan a kasumbaliwan na Jerico.

¹⁶Say Katawan kuantod kinen Moises,

¹⁷Si Eleazar a pari tan si Josue a lakin anak nen Nun so mangapag na dalin ed saray totoo.

¹⁸Mamili ka met na sakey a pangulo ed kapag tribu ya ontulong ed sikaran mangapag na dalin.

¹⁹Sikara yay lalakin pinili na Katawan: Diad tribu nen Juda si Caleb yaanak nen Jefone Diad tribu nen Simeon si Samuelya anak nen Amihud Diad tribu nen Benjamin si Elidadya anak nen Kislon Diad tribu nen Dan si Bukki yaanak nen Jogli Diad tribu nen Manases si Hanielya anak nen Efod Diad tribu ne Efraim si Kemuelya anak nen Siftan Diad tribu nen Zabulon si Elizafanya anak nen Parnak Diad tribu nen Isacar si Paltielya anak nen Azan Diad tribu nen Aser si Ahihudya anak nen Selomi Diad tribu nen Neftali si Padahelya anak nen Ahihud.

²⁰Say Katawan tinoro to ra yan lalaki a mangapag na kayaryan ed saray totood Israel diad dalin na Canaan.