Read Pangasinan BILANG 5 Bible Online

BILANG 5 - Pangasinan bible

BILANG 5

¹"Say Katawan kuantod kinen Moises,

²"Iganggan mod saray totood Israel a papawayen dad kampo iray amin ya akating odino walay ompapaway ed laman da tan amin iray totoon marotak lapud impakadiwit dad bangkay.

³"Papaway mo ra yan amin a totoon marotak onung ed ganggan, pian ag da narotakan so kampo a panaayaman ko a kaibak iray totook.

⁴"Tinmoluk iray Israelita ed imbagay Katawan kanyan pinapaway da rad kampo.

⁵"Say Katawan inter to ray

⁶"onggendan a bilin para saray totood Israel. No say sakey a too et onsumpad ed Katawan tan manggawa na maoges ed kapara ton too,

⁷"nepeg ton ipatuay kasalanan to tan mambayar ed toon nanggawaan toy maoges tan pasolukan to na kakalima.

⁸"Balet no inatey la may too tan anggapoy kanayon ton pambayaran, nepeg ya iter ed Katawan so bayar tan ikana na pari. Sayan bayar et kaaruman na karniron kalakyan ya ikana ed panggawa na sirimonyan panlinis ed samay toon nankasalanan.

⁹"Ontan met, amin a nidoma-doman bagat ya isaklang da ray Israelita ed Katawan et kayaryan ira parin pangiteran da.

¹⁰Balang pari et kayaryan to ray bagat a niiter ed sikato.

¹¹Say Katawan ingganggan toy Moises

¹²ya iter to ray onggendan a bilin ed saray Israelita. Nayarin nagawa a say sakey a laki et manginap a mankakasalanan ed sikato so asawa to, ta dinotakan toy sikaton dili diad impiakdul tod sananey a laki. Balet nayarin manduaruwa imay laki, lapud nayarin inyamut na samay bii so ginawa toanggapoy makatasi, tan ag apesgaan ed impanggawa toy maoges. Nayari met a nagawa a manginap, anggaman ya aliwan tua a samay bii et mankakasalanan ed sikato.

¹⁵Tua man o andi so inap to, iyakar tod pari imay asawa to. Mangawit na nakaukolan a sakey kilon arinan sibada, balet ag to nepeg a patoroan na larak na oliba odino inan na insinso, lapud sakey yan bagat a nanlapud sakey ya asawan lakin manginap, tan insaklang a pamapaway na katwaan.

¹⁶Say pari iyakar tod arap na altar imay bii tan diman to panalageyen.

¹⁷Mangyan ed yaung a dalin na masanton danum, mangala na dalin ed loob na Tuldan Ayamay Katawan, insan iyan tod samay danum.

¹⁸Buyaken toy buek na samay bii tan iyan tod saray lima to imay bagat ya arina. Samay parid satan ampatoten tod saray lima to imay yaung a nankargay ampait a danum a mangiter na samba.

¹⁹Insan samay pari paabubonen to may bii ed samba a salitaen to: No ag ka akikaloguran, ag ka napasakitan na samban iter na sayan danum.

²⁰Balet no akikaloguran ka,

²¹say Katawan et gawaen to komun a panalwaran ed saray kadalaan mo so ngaran mo. Pakebeten to komun so kayaryan mo tan palaragen toy eges mo.

²²Onloob komun ed eges mo yan danum, palaragen to, tan pakebeten toy kayaryan mo. Samay bii onebat, Onabubon ak; ontan pa komun so gawaen na Katawan.

²³Insan samay pari isulat tod panagsulatan imay samba tan orasan tod samay ampait a danum a walad yaung.

²⁴Kasakbayan a samay pari et ipainom tod samay bii imay danum a mangiter ed sikatoy ontan lan sakit na laman,

²⁵alaen tod lima to may bii imay bagat ya arina, iyatagey ton isaklang ed Katawan, insan to iyapay ed tapew na altar.

²⁶Mangalay sankaakup ed samay arina a pakapatnagan na intiron bagat tan poolan tod tapew na altar. Kayari to ya, ipainom tod samay bii imay danum.

²⁷No akikaloguran imay bii, pairapen na samay danum; onlarag so eges to tan onkebet so kayaryan to. Magmaliw a panalwaran ed saray kadalaan to so ngaran to.

²⁸Balet no ag akikaloguran, ag naano tan makapananak.

²⁹Sikato yay ganggan a nipaakar ed lakin mangimon tan manginap a makakaloguran so asawa to. Say bii et paalageyen ed arap na altar tan say pari et gawaen to yan sirimonya.

³⁰Anggapoy kasalanan na asawan laki, balet no nankasalanan imay bii, nepeg a nadusa.