Read Pangasinan ZACARIAS 11 Bible Online

ZACARIAS 11 - Pangasinan bible

ZACARIAS 11

¹"Lokasan mo ray kaput mo, Libano, pian napoolan na apoy iray kiew mon sidro!

²"Manakis tan managugol kayo, sikayon kiew a sipris atumba la ray kiew a sidro; aderal la ra man a mapagalang a kiew! Akis tan managugol kayo, sikayon robli na Basan abatang la ray makdel a takel!

³"Manaakis ed ermen iray manoley; naandi la so kagalangan da! Dengel kayod pangwam na saray lion; aderal lay balaong dan takel ed gilig na Jordan.

⁴"Sa Katawan a Dios ko kuantod siak, Magmaliw kan pumapastol ed pulok da ray papatasen.

⁵"Papateyen ira na saray akankayaryan ed sikara, et ag ira ya nadudusa. Ilalako ray karni tan kuanda, Nagalang komun so Katawan! Mayaman kami la! Ag ira kakasian na anggan saray dilin pumapastol da. (

⁶"Say Katawan kuanto, Ag ko la kasian so siopaman a too ed tapew na dalin. Paoleyan kod saray manoley da iray amin a totoo. Deralen na sarayan manoley so mundo, tan ag ko iyagel ed pakayari ra.)

⁷"Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na Panangasi tan say sakey Pankakasakey. Inasikasok imay poluk na karniro.

⁸"Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

⁹"Insan inkuankod saray karniro, Aliwa lan siak so pumapastol yo. Ompatey la ray nepeg ya ompatey ed sikayo, tan naderal la ray nepeg a naderal ed sikayo. Mandederalan iray amin a makapaliis ed patey.

¹⁰Insan ko inala may bastun a tatawagen na Panangasi tan pinoter ko a pamaandik ed impisipanan na Katawan ed amin da ray bansa.

¹¹Kanyan naandi lad saman ya agew so sipanan. Bambantayan ak ed saman na saramay sumasaliw tan lumalako ed saray karniro, et amta ra a misasalita so Katawan diad panamegley na ginawak.

¹²Inkuankod sikara, No maabuloy kayo, iter yod siak so upak. Balet no ag kayo maabuloy, kayaryan yo la. Kanyan inter day upak a talomplon pilak a kuarta.

¹³Say Katawan inkuantod siak, Yan mod panagsinupan na kayamanan ed Timplo ira tay kuarta. Kanyan inalak ira may kuartasay kuartan mapagalang ya abaloan dan manepeg ya upaktan inyan ko ra ed panagsinupan na kayamanan ed Timplo.

¹⁴Insan ko pinoter imay sakey nin bastun, samay tatawagen na Pankakasakey, et naandi so pankakasakey na Juda tan Israel.

¹⁵Insan say Katawan kuantod siak, Maminsan ni a magmaliw kan pumapastol, balet natan andi-kakanaan kan pumapastol.

¹⁶Angipasen ak na sakey a pumapastol a manasikasod saray karnirok, balet ag to tutulongan iray maatap so bilay da; ag to aanapen iray abalang, ag to tatambalen iray asugatan, odino papakanen iray akapaliis ed patey. Kakanen to ingen so karni da ray sankatabaan tan aakniten to ray koko ra.

¹⁷Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.