Read Pangasinan ZACARIAS 4 Bible Online

ZACARIAS 4 - Pangasinan bible

ZACARIAS 4

¹"Dinmago lamet imay katongtong kon anghil tan binangon to ak a singa amangon na toon naogip.

²"Tinepet ko, Antoy nanenengneng mo? Inmebat ak, Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

³"Walay sakey a kiew ya oliba ed kapag diking to may patoonan na lamparaan.

⁴"Insan ko tinepet ed samay anghil, Antoy kabaliksan da ra ya?

⁵"Inmebat imay anghil, Ag mo amta? On, ag ko amta, ebat ko.

⁶"Samay anghil imbaga tod kinen Zorobabel ira yan salita na Katawan: Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

⁷"Naandipat ed arap mo iray bangen a singa ra palandey. Napasimbalom a nipaalagey so Timplo, tan diad pangiliram na sankasamputan a bato, saray totoo iyeyag da, Marakep, marakep!

⁸"Wala niy sananey iran salita a sinmabid siak a nanlapu rad Katawan.

⁹"Inkuanto, Inlira nen Zorobabel so pundasion na Timplo, et sumpalen ton ipaalagey. No nagawa ya, naamtaan na saray totook a siak so angibakid sika ed sikara.

¹⁰Binmetel so pananisia ra lapud melmelag niy agawaan ed kimey. Balet nanengneng day Zorobabel a mangituloy na kimey a pamaalagey na Timplo, et manliket ira.