Read Pangasinan ZACARIAS 5 Bible Online

ZACARIAS 5 - Pangasinan bible

ZACARIAS 5

¹"Ninmengneng ak lamet, et anengneng koy sakey a nilokut a babasaen ya ontitikyab ed tagey.

²"Tinepet na samay anghil no antoy anengneng ko. Inmebat ak, Sakey a nilokut a babasaen ya ontitikyab ed tagey; siamiran mitroy karokey to tan apatira tan kapalduan mitroy kaawang to.

³"Insan inkuantod siak, Nisulat ed saman a babasaen so samba ya onsabi ed intiron dalin. Diad sakey a dapag na samay babasaen, ibabaga to a napagit ed dalin iray amin a matakew; tan diad sakey a dapag ibabaga to a napagit ya amin iray totoo a mansasambad pantitila ra.

⁴"Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderalderal.

⁵"Pinmanengneng lamet imay anghil tan kuanto, Nengneng mo! Sananey lamet so onsasabi!

⁶"Anto tan? tepet ko. Inmebat, Sakey a baskit ya iriritrato toy kasalanan na intiron dalin.

⁷"Walay sakub ton gansa imay baskit. Nen babantayan ko niatagey may sakub, tan walay biin akayorung ed samay baskit!

⁸"Samay anghil kuanto, Sayan bii iriritrato to so kaogsan. Insan to intelmer ed baskit imay bii tan sinakuban to.

⁹"Tinmangay ak et anengneng koy duaran bii ya ontitikyab a mamapaarap ed siak; mabisbiskeg iray payak dan singa ra payak na dulakak. Inala da may baskit tan intikyab da.

¹⁰Tinepet kod samay anghil, Iner so pangyakaran dad samay baskit?

¹¹Inmebat, Diad Babilonia a diman da igawaan na timplo. No ayari lay timplon ipaalagey da, iyakar dad dalem imay baskit ta galangen na saray totoo.