Read Pangasinan MATEO 16 Bible Online

MATEO 16 - Pangasinan bible

MATEO 16

¹"Wala ray Pariseo tan Saduseo a sinmingger ed kinen Jesus. Labay dan suboken kanyan kinerew dan manggaway sakey a milagron manlapud tawen.

²"Inkuanen Jesus, No onseselek lay agew ikuanyo, Maung so panaon, ta ambalangay tawen.

³"Balet diad kabwasan ikuanyo, Makapoy so panaon, ta ambalanga tan malorem so tawen. Amta yon parlesan so panaon diad pakanengneng yoy tawen, ag yo balet natalusan iray tanday panaon natan!

⁴"Maoges tan aliwan matoor ed Dios iray totood sayan panaon! Labay yoy makanengneng na milagro, anto? Anggapoy nanengneng yo no ag say milagro nen Jonas! Tinaynan nen Jesus ira tan inmarawi.

⁵"Nen binmaliw ed dayat iray disipulo, alingwanan day nambalon na tinapay.

⁶"Inkuanen Jesus ed sikara, Manalwar kayod libadura na saray Pariseo tan saray Saduseo.

⁷"Nantotongtongan ya na saray disipulo. Inkuanda, Imbaga to ya, ta ag itayo nambalon na tinapay.

⁸"Amta nen Jesus so pantotongtongan da, kanyan tinepet to, Akin et pantotongtongan yoy ag yo impanbalon na tinapay? Makapoy so pananisia yo!

⁹"Ag yo ta ni natalusan? Alingwanan yo ta la may impampipisag koy limaran tinapay kinan na liman libon totoo? Pigaran tiklis so atipon yod saman a?

¹⁰Tan samay pitoran tinapay kinan na apat a libon totoo; ag yo ta man nanunotan? Pigaran tiklis a tinapay so atipon yod saman a?

¹¹Akin sirin et ag yo natalusan ya aliwan nipaakar ed tinapay so labay kon ibaga? Manalwar kayod libadura da ray Pariseo tan saray Saduseo!

¹²Insan atalusan na saray disipulo ya aliwan samay libaduran ikakanad tinapay so imbaga ton alwaran da, no ag say bangat da ray Pariseo tan saray Saduseo.

¹³Nen sinmabiy Jesus ed lugar na Cesarea na Filipos tinepet tod saray disipulo to, Siopa so Anak na Too, onung na ibabagay totoo?

¹⁴Inmebat ira, Wala ray mangibabagan si Juan a Managbinyag. Ibabagay arum a si Elias; wala met iray mangibabagan si Jeremias o sakey ed saray propita.

¹⁵Sikayo balet, antoy kuanyo? Siopa ak? tinepet nen Jesus.

¹⁶Inmebat si Simon Pedro, Sika so Cristo ya Anak na Dios a mabilay.

¹⁷Inkuanen Jesus ed sikato, Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

¹⁸Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

¹⁹Iter kod sikay tombuk na Panariay tawen. Say isebel mo diad dalin so nisebel met ed tawen; say iyabuloy mo diad dalin so niabuloy met ed tawen.

²⁰Insan impurek nen Jesus ed saray disipulo to ya ag da ibabagad siopaman a sikato so Cristo.

²¹Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

²²Inyarawi nen Pedro na daiset si Jesus tan nansalitaan to. Inkuanto, Ag itan yabuloy na Dios komun, Katawan! Ag itan nepeg a nagawad sika!

²³Balet inarap nen Jesus tan inkuanto, Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!

²⁴Inkuanen Jesus ed saray disipulo to, Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

²⁵Ta naandiay bilay so toon mangilaban na bilay to; balet nilaban so toon mangiter na bilay to nisesengeg ed siak.

²⁶Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

²⁷Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

²⁸Tandaan yo ya! Wala ra diad sikayoy ag ompatey ya anggad ag da nanengneng so Anak na Too ya onsabin sakey ya Ari.