Read Pangasinan PUYAN 10 Bible Online

PUYAN 10 - Pangasinan bible

PUYAN 10

¹"Kasumpal to ya, anengneng ko niy sananey a makapanyarin anghil ya onaabeban nanlapud tawen. Akakawes na lorem, tan walay bonlalakaw ed tagey na olo to. Singa agew so lupa to, tan saray bikking to singa ra ankakabaleg a lusek ya apoy.

²"Sankabembenan toy melag a babasaen ya akalokas. Intoon tod dayat so kawanan a sali to, tan diad dalin so kawigin sali to.

³"Inmingal, tan singa ungol na lion so ingal to. Kaingal to, inmembat a dinmalagorug so pitoran karul.

⁴"Kasumpal dan nansalita, mansulat ak lawari, balet nadngel koy bosis a nanlapud tawen ya inkuanto, Iyamut moy imbagay pitoran karul; ag mo isusulat!

⁵"Insan samay anghil, ya anengneng kon manalalagey ed dayat tan dalin, intagey tod tawen so kawanan a lima to,

⁶"tan nansambad ngaray Dios a mabilay ya anggad angga, tan amalsay tawen, dalin, dayat, tan amin a wadyad saraya. Inkuanto may anghil, Anggapo lay makaabala!

⁷"Oras a sinibuk na kumapiton anghil so trumpita to, gawaey Dios so niamut a plano to, onung na imbaga tod saray propitan managlingkur to.

⁸"Insan nadngel ko lamet imay bosis a nansalitan nanlapud tawen. Inkuantod siak, Laka, ta alam so akalokas a babasaen a sankabembenan to may anghil a manalalagey ed dayat tan dalin.

⁹"Linma ak ed samay anghil tan kinerew kon iter tod siak imay melag a babasaen a nilokut. Inkuantod siak, Alam, insan mo kanen. Ampait ed eges mo, balet singa samit na dilo ed sangim.

¹⁰Inalak imay melag a babasaen, insan ko kinan. Singa samit na dilo ed dilak, balet nen naakmun ko la, pinmait ed eges ko.

¹¹Insan inkuantod siak, Nakaukolan ya ibawag mo lamet iray salitay Dios nipaakar ed amayamay a katoowan, bansa, salita, tan arari.