Read Pangasinan 1 SAMUEL 22 Bible Online

1 SAMUEL 22 - Pangasinan bible

1 SAMUEL 22

¹"Tinmaynan si David ed siudad na Gat tan linmad sakey ya ongib diad asingger ed baley na Adullam. Nen nadngelan na saray agagi to tan saray arum a kabyangay pamilya to a wadmay David, akikasakey irad sikato.

²"Linmad sikato ray totoon napapairap, o saray walay utang, o saray walay riklamo; sakey ya apat a lasus iran amin, tan nagmaliw a pangulo ra.

³"Linmay David ed Mizpa, tan kuantod ari na Moab, Ipangasim a manayam ni ra dia di amak tan inak anggad naamtaan ko no antoy gawaen na Dios para siak.

⁴"Kanyan intilak nen David iray atateng to ed ari na Moab, tan nanayam irad man legan a nanamut si David ed dalem na ongib.

⁵"Insan linmay propita Gad ed kinen David tan kuanto, Ag ka dia manaayam; lakan tampol ed dalin na Juda. Kanyan pinmikal si David tan linmad takel na Heret.

⁶"Aminsan ya agew walad Gabaa si Saul, manyodyorung ed silong na kiew a tamarisko diad pokdul, sankabembenan toy pika to, tan akaalagey ed kaliber-liber to iray amin ya opisyal to. Nibagad sikato ya arumog lay David tan saray totoo to;

⁷"kanyan kuantod saray opisyal to, Dengel kayo, totoo na Benjamin! Say abaloan yo sirin ya itdan kayo nen David na saray alog tan kaubasan, tan gawaen to kayon opisyal na saray sondalo!

⁸"Sikato yay makasengeg a pankokomplutan yo ak? Anggapoy anggan sakey ed sikayo so angidalem ed siak ya akigampid kinen David so dilin anak ko. Anggapoy anggan sakey ed sikayoy angabagey ed siak o mangibagad siak a si David a sakey ed saray dilin totook, et manaanap natan na pankanawnawan pamatey tod siak, tan say anak kon dili so ananggoyur ed sikato!

⁹"Si Doeg a taga Edom et manalalagey diman a kaiba na saray opisyal nen Saul, tan inkuanto, Anengneng koy David nen linmad kinen Ahimelec ya anak nen Ahitub diad Nob.

¹⁰Tinepet nen Ahimelec ed KATAWAN no antoy nepeg a gawaen nen David, insan initdan toy nakan tan inter to may ispada nen Goliat a Filisteo.

¹¹Kanyan impaawit nen Ari Saul si Ahimelec a pari tan amin a kakanayon to a papari met ira diad Nob, tan linma rad sikato.

¹²Inkuanen Saul ed kinen Ahimelec, Dengel ka, Ahimelec! Sipaparaan ak, ebat to.

¹³Tinepet nen Saul, Akin et pankokomplutan yo ak nen David? Akin et initdan moy nakan tan sakey ya ispada, tan impanonan mod Dios? Natan sinumlang to ak tan manaalagar na pankanawnawan pamatey tod siak!

¹⁴Inmebat si Ahimelec, Sankatooran si David ed saray opisyal mo! Sikatoy dilin manugang mo, kapitan na saray managbantay ed sika, tan gagalangen ed palasiom.

¹⁵On, impanonan kod Dios, tan amimpiga la yan ginawak. No nipaakar ed pankokomplut ya ibabagam, ag mo ak aakusaen tan say siopaman ed pamilyak. Anggapoy pakapikabat kod sayan pamaakaran!

¹⁶Inkuan na ari, Ahimelec, nepeg ya ompatey ka tan amin a kakanayon mo.

¹⁷Insan inkuantod saray guardian manalalagey ed abay to, Patey yo ray papari na KATAWAN! Akikomplut irad kinen David tan ag da imbagad siak a batik, anggaman ya amta ra. Balet anggapod saramay guardia so angigalaw na lima ton mamatey ed saray papariy KATAWAN.

¹⁸Kanyan inkuanen Saul ed kinen Doeg, Patey mo ra! kanyan pinatey nen Doeg iran amin. Diad saman ya agew walomplo tan liman papari na KATAWAN so pinatey to; mansosolung na ipod ira yan papari.

¹⁹Impapatey met nen Saul iray arum ni ran manaayam ed Nob, say siudad da ray papari; bibii tan lalaki, ogogaw tan saray mansususo, saray baka, saray asno, tan saray karniroapatey iran amin.

²⁰Balet akabatik si Abiatar a sakey ed saray lalakin anak nen Ahimelec, tan akikasakey ed kinen David.

²¹Imbaga tod sikato so impamatey nen Saul ed saray papari na KATAWAN.

²²Inkuanen David ed sikato, Nen anengneng koy Doeg ed saman ya agew, amtak ya andisaew ton ibaga. Kanyan siak so makasengeg na impatey na amin a kakanayon mo.

²³Miayam kad siak, tan ag ka natatakot. Labay nen Saul a pateyen to tan dua, balet arawi kad kaatapan no kaiba mo ak.