Read Pangasinan 1 SAMUEL 29 Bible Online

1 SAMUEL 29 - Pangasinan bible

1 SAMUEL 29

¹"Impantitipon na saray Filisteo ed Afeo iray sondalo ra, balet nanggaway kampo iray Israelita ed abay na sobul diad Patar na Jezreel.

²"Kinmurang iray limaran arari na Filistia a kaiba da ray nilasus tan nilibon totoo ra; walad beneg nen Akis si David tan saray totoo to.

³"Anengneng ira na saray pangulo da ray sondalo na Filistia tan tinepet da, Antoy gagawaen da ra tay Hebreo dia? Inmebat si Akis, Si David itan, sakey ya opisyal nen Ari Saul na Israel. Abayag lan kaiba to ak. Anggapo niy nalmok a nankasalananan to nanlapu lad insabi tod siak.

⁴"Balet ampetang so olo da ra may pangulo na saray sondalo na Filistia ed kinen Akis tan kuandad sikato, Papawil mo tan a too ed baley ya inter mod sikato. Ag mo pipilaen ed sikatayon mibakal, ta ag la pigan sikatayo la laingen so labanan to no peles na bakal. Anto ta niy lalon maabig a polaing ed pamapawil toy maung a linawa na katawan to nen say pamatey tod saray totoo tayo?

⁵"Sikato ya may David a totokuyen na saray bibii ed kakantaen da legan dan mansasayaw, Si Saul amatey na nilibo, balet si David amatey na asamplon libo.

⁶"Tinawag nen Akis si David tan kuantod sikato, Sambaan kod mabilay a Dios na Israel a matoor kad siak; tan maliket ak a kaiba ta kan milaban ed sayan bakal. Anggapo niy nalmok a nankasalananan mo nanlapu lad insabim ed siak ya anggad natan. Balet ag ka abuloyan na saray arum a panguloy sondalo.

⁷"Kanyan laka lan mareen, tan ag ka manggagaway makapaimbel na linawa ra.

⁸"Inmebat si David, Antoy ginawak a makapoy a? No onung na imbagam et anggapoy nalmom a nankasalanan ko nanlapu lad inggapok a manlingkur ed sika ya anggad natan, akin et ag ak milad sikan milaban ed saray kalaban mo, katawan ko tan arik?

⁹"Inmebat si Akis, Tua tay imbagam. Ipapasen ta kan matoor a singa sakey ya anghil na Dios. Balet inkuan na saray arum a panguloy sondalo ya ag ka makapilad sikamin mibakal.

¹⁰Kanyan sirin, David, amin yon anaynan ed kinen Saul tan tinmipon ed siak, nepeg yoy ombangon a masaksakbay nabwas tan pawil ki la kaliwawa to.

¹¹Kanyan kaimbuas, si David tan saray totoo to, asaksakbay iran pinmikal ya ompawil ed Filistia, balet saray Filisteo linma rad Jezreel.