Read Papiamento Génesis 36 Bible Online

Génesis 36 - Papiamento bible

Génesis 36

¹Aki ta sigui lista di e desendientenan di Esou, tambe yamá Edom.

²Esou a kasa ku muhé di Kanaan: ku Ada, yu muhé di Elon, un hetita; ku Oholibama, yu muhé di Aná i ñetu di Sibon, un hiwita;

³i ku Basmat, yu muhé di Ismael i ruman muhé di Nebayot.

⁴E yu hòmber ku Ada a duna Esou tabata yama Elifaz; Basmat a haña Reuel.

⁵Oholibama a haña Yeush, Yalam i Korag. Esakinan ta e yu hòmbernan di Esou, ku a nase tempu e tabata biba na e pais Kanaan.

⁶Esou a bai laga Yakob. El a bai biba ku su kasánan, ku su yunan hòmber i muhé, i ku tur esnan ku tabata biba huntu kuné na un otro lugá. El a bai ku tur su bestianan i ku tur loke el a logra optené na Kanaan,

⁷Esou a bai, pasobra loke e i Yakob tabatin, tabata asina tantu ku nan no por a keda biba huntu mas. Ademas e tera kaminda nan tabata biba no tabata produsí sufisiente kuminda pa tur nan bestianan.

⁸P'esei Esou, esta Edom, a bai biba den e serunan di region Seír.

⁹Ata lista di e desendientenan di Esou, tata di e edomitanan, ku ta biba den e serunan di Seír.

¹⁰Aki ta sigui e nòmber di e yu hòmbernan di Esou i nan yu hòmbernan: Elifaz, yu di Ada ku Esou; i Reuel, yu di Basmat ku Esou.

¹¹E yunan di Elifaz tabata Teman, Omar, Sefó, Gatam i Kenaz.

¹²Elifaz tabatin un konkubina ku tabata yama Timna; Timna a dun'é un yu hòmber yamá Amalèk. Eseinan tabata e desendientenan di Ada, kasá di Esou.

¹³E yu hòmbernan di Reuel tabata Nahat, Zèrag, Shama i Miza; eseinan tabata e desendientenan di Basmat, e otro kasá di Esou.

¹⁴Oholibama tabata un otro kasá di Esou, i e yunan ku el a duna Esou tabata Yeush, Yalam i Korag. Oholibama tabata yu muhé di Aná i ñetu di Sibon.

¹⁵Den famia di Esou e siguiente hendenan tabata tata di tribu: Di e desendientenan di Elifaz, yu mayó di Esou, e tatanan di tribu tabata Teman, Omar, Sefó, Kenaz,

¹⁶Korag, Gatam i Amalèk. Esakinan tabata tata di tribu den e liña di Elifaz na e tera Edom. Nan tur tabata desendiente di Ada.

¹⁷Di e yunan di Reuel, yu di Esou, e tatanan di tribu tabata Nahat, Zèrag, Shama i Miza. Nan tabata tata den e liña di Reuel na e tera Edom i nan tabata desendiente di Basmat, kasá di Esou.

¹⁸Di e yu hòmbernan di Oholibama, yu muhé di Aná i kasá di Esou, e tatanan di tribu tabata Yeush, Yalam i Korag.

¹⁹Nan tur tabata tata di tribu edomita, desendiente di Esou.

²⁰Esakinan ta e yunan di e horita Seír, e promé habitantenan di e pais: Lotan, Shobal, Sibon, Aná,

²¹Dishon, Ezèr i Dishan. Nan tabata tata di tribu di e horitanan, ku tabata desendiente di Seír, na e tera di Edom.

²²E yu hòmbernan di Lotan tabata Hori i Hemam. Timna tabata ruman muhé di Lotan.

²³E yu hòmbernan di Shobal tabata Alwan, Manahat, Ebal, Shefó i Onam.

²⁴E yu hòmbernan di Sibon tabata Aya i Aná. Ta Aná a haña e brònnan ku awa kayente den desierto, ora e tabata kuida e burikunan di su tata Sibon.

²⁵Aná tabatin un yu hòmber yamá Dishon i un yu muhé yamá Oholibama.

²⁶E yu hòmbernan di Dishon tabata Hèmdan, Eshban, Yitran i Keran.

²⁷E yu hòmbernan di Esèr tabata Bilhan, Zaawan i Akan.

²⁸E yu hòmbernan di Dishan tabata Us i Aran.

²⁹E tatanan di tribu di e horitanan tabata: Lotan, Shobal, Sibon, Aná,

³⁰Dishon, Esèr i Dishan. Nan tabata tata di tribu di e horitanan, di famia pa famia, den e region di Seír.

³¹Awor ta sigui e reinan ku tabata goberná na Edom promé ku e israelitanan tabatin rei. Konsekutivamente a goberná: Bèla, yu hòmber di Beor; su residensia tabata yama Dinhaba. Yobab, yu hòmber di Zèrag, for di Bosra. Husham, di e region Teman. Hadad, yu di Bedad, ku a derotá e midianitanan na e tera Moab, Su residensia tabata yama Awit. Samla for di Masreka. Shaul di Rehobot, un pueblo pegá ku e riu. Baal-Hanan, yu di Akbor. Hadar su residensia tabata yama Paú. Kasá di Hadar tabata yama Mehetabel; e tabata yu muhé di Matred i ñetu di Mezahab.

⁴⁰Nòmber di e tatanan di tribu di Esou, segun sekuensia di famia, di lugá i di nòmber tabata: Timna, Alwa, Yetet,

⁴¹Oholibama, Ela, Pinon,

⁴²Kenaz, Teman, Mibsar,

⁴³Magdiel i Iram. Esakinan tabata tata di e edomitanan segun sekuensia di e lugánan kaminda nan tabata biba i ku tabata di nan. Esou ta tata di Edom.