Read Papiamento Génesis 5 Bible Online

Génesis 5 - Papiamento bible

Génesis 5

¹Aki ta sigui lista di e desendientenan di Adam. Dia Dios a krea hende, El a trah'é paresido na Dios.

²El a krea nan hòmber i muhé, i a bendishoná nan. Dia El a krea nan, El a yama nan ‘hende’.

³Adam tabatin 130 aña tempu su yu hòmber a nase. El a yam'é Sèt. Sèt tabata pars'é; e tabata imágen di su tata.

⁴Despues Adam a biba 800 aña mas i e tabatin mas yu, tantu hòmber komo muhé.

⁵Na edat di 930 aña el a muri.

⁶Sèt tabatin 105 aña tempu su yu hòmber Enosh a nase.

⁷Despues Sèt a biba 807 aña mas i e tabatin mas yu, hòmber i muhé.

⁸Na edat di 912 aña el a muri.

⁹Enosh tabatin 90 aña tempu su yu hòmber Kenan a nase.

¹⁰Despues Enosh a biba 815 aña mas i e tabatin mas yu, hòmber i muhé.

¹¹Na edat di 905 aña el a muri.

¹²Kenan tabatin 70 aña tempu su yu hòmber Mahalalel a nase.

¹³Despues Kenan a biba 840 aña mas i e tabatin mas yu, hòmber i muhé.

¹⁴Na edat di 910 aña el a muri.

¹⁵Mahalalel tabatin 65 aña tempu su yu hòmber Yèrèd a nase.

¹⁶Despues Mahalalel a biba 830 aña mas i e tabatin mas yu, hòmber i muhé.

¹⁷Na edat di 895 aña el a muri.

¹⁸Yèrèd tabatin 162 aña tempu su yu Henok a nase.

¹⁹Despues Yèrèd a biba 800 aña mas i e tabatin mas yu, hòmber i muhé.

²⁰Na edat di 962 aña el a muri.

²¹Henok tabatin 65 aña tempu su yu hòmber Metusalem a nase.

²²Henok tabatin un laso íntimo ku Dios, despues ku Metusalem a nase. Henok a biba 300 aña mas i e tabatin mas yu, hòmber i muhé.

²³Na tur Henok a biba 365 aña.

²⁴Henok tabata biba den intimidat ku Dios, i un dia e no tabata ei mas, pasobra Dios a tum'é.

²⁵Metusalem tabatin 187 aña tempu su yu hòmber Lamèk a nase.

²⁶Despues Metusalem a biba 782 aña mas i e tabatin mas yu, hòmber i muhé.

²⁷Na edat di 969 aña el a muri.

²⁸Lamèk tabatin 182 aña tempu su yu hòmber a nase.

²⁹El a yama e yu Noe,[8] pasobra el a bisa: ‘E yu akí lo konsolá nos i aliviá nos trabou duru riba e tera ku SEÑOR a maldishoná.’

³⁰Despues ku Noe a nase, Lamèk a biba 595 aña mas i e tabatin mas yu, hòmber i muhé.

³¹Na edat di 777 aña el a muri.

³²Noe tabatin 500 aña tempu su yu hòmbernan Sèm, Ham i Yafèt a nase.