Read Papiamento 1 Krónikanan 25 Bible Online

1 Krónikanan 25 - Papiamento bible

1 Krónikanan 25

¹David i e hòmbernan responsabel pa e sirbishi di tèmpel, a skohe e desendientenan di Asaf, Heman i Yedutun ku mester a alabá Dios ku nan kanto i kompañá nan kantamentu ku lira, arpa i platío. Aki ta sigui lista di e hòmbernan ku tabata responsabel pa e sirbishi:

²e kuater yu hòmbernan di Asaf: Zakur, Yosef, Netanías i Asarela. Nan tabata bou di guia di Asaf ku riba òrdu di rei mester a alabá Dios ku kantika;

³e seis yu hòmbernan di Yedutun: Guedalías, Seri, Yeshaías, Hashabías, Matitías i Shimi.[30] Nan tabata bou di guia di nan tata Yedutun. E mester a duna honor i alabansa na SEÑOR ku muzik di lira;

⁴e dieskuater yu hòmbernan di Heman: Bukiahu, Matanías, Uziel, Shebuel, Yerimot, Hananías, Hanani, Eliata, Guidalti, Romamti-Ezèr, Yoshbekasha, Maloti, Hotir i Mahaziot.

⁵Nan tur tabata yu di Heman, vidente den servisio di rei. Dios a primintí di hasié grandi den bista di hende; p'esei El a dun'é dieskuater yu hòmber i tres yu muhé.

⁶Tur e hòmbernan akí mester a kanta, bou di guia di nan tatanan Asaf, Yedutun i Heman, durante sirbishi den tèmpel di SEÑOR, kompañá pa platío, arpa i lira. Nan tatanan Asaf, Yedutun i Heman, tabata dirigí nan manera tabata stipulá pa rei di antemano.

⁷Na tur nan tabata 288 músiko ku eksperensia, ku nan famianan, kantornan bon prepará, kontá aden.

⁸Nan a tira lòt pa kada grupo haña sa nan turno, sea ku nan tabata yòn òf bieu, bon prepará òf ku nan tabata haña lès ainda.

⁹A repartí e 288 hòmbernan akí den bintikuater grupo, kada un di diesdos hende bou di guia di un lider. Esaki ta e sekuensia di e lidernan despues di a tira lòt: Yosef di famia di Asaf Guedalías

¹⁹Hashabías

²⁴Yoshbekasha

³¹Romamti-Ezèr