Read Papiamento 1 Krónikanan 3 Bible Online

1 Krónikanan 3 - Papiamento bible

1 Krónikanan 3

¹David tabatin e siguiente yu hòmbernan ku a nase na Hebron: Amnon, e yu mayó, su mama tabata Ahinoam di Yizreel; Daniel, esun di dos, su mama tabata Abigail di Karmel;

²Absalon, esun di tres, su mama tabata Maaka, yu di Talmai, rei di Gueshur; Adonías, esun di kuater, su mama tabata Haguit;

³Shefatías, esun di sinku, su mama tabata Abital; Yitream, esun di seis, su mama tabata Egla.

⁴E seis yunan akí di David a nase na Hebron, durante e shete aña i mei ku e tabata goberná aya. Na Herusalèm, kaminda el a goberná trintitres aña,

⁵a nase e siguiente yu hòmbernan: Shima, Shobab, Natan i Salomon. Mama di e kuater yunan akí tabata Bat-Shua,[5] yu di Amiel.

⁶Ademas Yibhar, Elishama, Elifelèt, Noga, Nèfèg, Yafia.

⁸Elishama, Elyada i Elifelèt.

⁹Fuera di e nuebe yunan akí David tabatin mas yu hòmber ku su konkubinanan. Un yu muhé di David tabata Tamar.

¹⁰Aki ta sigui e desendientenan di Salomon di tata pa yu: Rehabeam, Abías, Asa, Yoshafat,

¹¹Yoram, Ahazías, Yoash, Amasías, Azarías, Yotam,

¹³Ahas, Ezekías, Manase, Amon i Yosías.

¹⁵Yosías tabatin kuater yu hòmber: Yohanan, e mayó, Yoyakim, Sedekías i Shalum.

¹⁶Yoyakim tabatin dos yu hòmber: Yekonías i Sedekías.

¹⁷Yekonías ku nan a hiba Babilonia den eksilio tabatin shete yu hòmber, ku a nase aya: Shealtiel,

¹⁸Malkiram, Pedaías, Shènasar, Yekamías, Hoshama i Nedabías.

¹⁹Pedaías tabatin dos yu hòmber: Zerubabel i Shimi. Zerubabel tabata tata di dos yu hòmber, Meshulam i Hananías, i un yu muhé, Shelomit.

²⁰E tabatin sinku yu hòmber mas: Hashuba, Ohèl, Bèrèkías, Hasadías i Yushab-Hèsèd.

²¹Yu hòmbernan di Hananías tabata: Pelatías i Yeshaías. Yeshaías tabata tata di Refaías. Refaías tabatin un yu hòmber ku yama Arnan, Arnan tabatin un yu hòmber ku yama Obadías. Obadías su yu hòmber tabata yama Shekanías.[6]

²²Shekanías tabatin seis yu: Shemaías,[7] Hatush, Yigal, Bariag, Nearías i Shafat.

²³Nearías tabatin tres yu hòmber: Elyoenai, Hizkías i Azrikam.

²⁴Elyoenai tabatin shete yu hòmber: Hodawiahu, Elyashib, Pelaías, Akub, Yohanan, Delaías i Anani.