Read Papiamento 1 Krónikanan 4 Bible Online

1 Krónikanan 4 - Papiamento bible

1 Krónikanan 4

¹E desendientenan di Huda tabata: Pèrès, Hèsron, Karmi, Hur i Shobal.

²Shobal tabata tata di Reaías, Reaías tata di Yahat, Yahat tata di Ahumai i Lahad. Tur tabata di Sora.

³Hur tabata yu mayó di Efrata, kasá di su tata. Su desendientenan Etam, Yizreel, Yishma i Yidbash tabata fundadó di Betlehèm. Nan tabatin un ruman muhé yamá Haslèlponi. Ademas tabatin Penuel, fundadó di Guedor, i Ezèr, fundadó di Husha.

⁵Ashur, fundadó di Tekoa, tabatin dos kasá, Hèla i Naara.

⁶E desendientenan di Ashur i Naara tabata: Ahuzam, Hefèr i e famianan Teman i Ahashtari.

⁷E desendientenan di parti di Hèla tabata: Sèrèt, Yeshohar i Etam.

⁸E desendientenan di Kos tabata: Anub, Sobeba i e yu hòmber di Harum, di dje a bini famia Aharhel.

⁹Un tal Yaebes tabata e miembro mas importante den su famia. Dia el a nase su mama a bisa: ‘Ku hopi doló mi a hañ'é, p'esei mi a yam'é Yaebes.’[8]

¹⁰Yaebes a roga na Dios di Israel, i bisa: ‘O, bendishoná mi i hasi mi teritorio mas grandi, tene bo man riba mi, warda mi di maldat i doló.’ Dios a skucha su orashon.

¹¹Kelub, ruman di Shuha, tabata tata di Mehir. Mehir tabata tata di Eshton,

¹²Eshton tata di Bet-Rafa, Paseag i Tehina, fundadó di e siudat Nahash. Nan tur tabata pertenesé na famia di Reka.

¹³E desendientenan di Kenaz tabata Otniel i Seraías, esnan di Otniel tabata Hatat

¹⁴i Meonotai, tata di Ofra. Seraías tabata tata di Yoab. Yoab a funda ‘Vaye di Karpinté’, yamá asina pasobra tur su habitantenan tabata karpinté.

¹⁵E desendientenan di Kaleb, yu di Yefune, tabata: Iru, Ela i Naam. Un desendiente di Ela tabata Kenaz.

¹⁶Desendientenan di Yehalelel tabata: Zif i Zifa, Tirías i Asarel.

¹⁷Desendientenan di Ezra tabata: Yètèr, Mèrèd, Efèr i Yalon. Mèrèd a kasa ku Bitia, yu muhé di Fárao. Nan a haña Miriam, Shamai i Yishbag, fundadó di Eshtemoa. Mèrèd a kasá tambe ku un mucha muhé di Huda. Nan a haña tres yu hòmber: Yèrèd, fundadó di Guedor, Hèbèr, fundadó di Soko, i Yekutiel, fundadó di Zanoag.

¹⁹Hodías tabata kasá ku un ruman muhé di Naham. Nan desendientenan tabata famia Garmi, fundadó di Keila, i famia Maakat, bibá na Eshtemoa.

²⁰Desendientenan di Shimon tabata: Amnon, Rina, Bèn-Hanan i Tilon. Desendientenan di Yishi tabata: Zohet i Bèn-Zohet.

²¹Shèla, yu hòmber di Huda, tabatin e siguiente desendientenan: Er, fundadó di Leka, i Lada, fundadó di Maresha; un famia trahadó di lenen, bibá na Bet-Ashbea;

²²Yokim; siudadanonan di Kozeba; Yoash i Saraf ku a kasa na Moab i despues a bai Betlehèm bèk,[9] tambe tabata pertenesé na e desendientenan di Shèla manera ta bisá.

²³E hendenan akí tabata trahadó di wea di rikla den servisio di rei. Nan tabata biba na Netaim i Guedera.

²⁴Simeon tabatin e siguiente yu hòmbernan: Nemuel, Yamin, Yarib, Zèrag i Shaul.

²⁵Shaul tabata tata di Shalum, Shalum tata di Mibsam, Mibsam tata di Mishma.

²⁶Mishma tabatin e siguiente desendientenan: su yu Hamuel, su ñetu Zakur i su bisañetu Shimi.

²⁷Shimi tabatin diesseis yu hòmber i seis yu muhé. Su famianan sí tabatin ménos yu, di manera ku henter e tribu di Simeon no tabata mes numeroso ku esun di Huda.

²⁸Te na tempu di rei David nan a biba den e siguiente siudatnan: Beer-Shèba, Molada, Hasar-Shual,

²⁹Bilha, Esèm, Tolad,

³⁰Betuel, Horma, Siklag,

³¹Bet-Hamarkabot, Hasar-Susim, Bet-Biri i Shaaraim.

³²Sinku otro siudat kaminda nan a biba tabata: Etam, Ain, Rimon, Tokèn i Ashan.

³³Ademas nan tabatin diferente pueblesito rondó di e siudatnan ei te na siudat Baal. Kada famia tabatin su mes kaminda di biba i tabata registrá su mes hendenan.

³⁴Kabes di e famianan tabata: Meshobab, Yamlek, Yosha, yu di Amasías,

³⁵Yoel i Yehu, yu di Yoshibías, ñetu di Seraías i bisañetu di Asiel;

³⁶ademas Elyoenai, Yaakoba, Yeshoaías, Asaías, Adiel, Yesimiel, Benayahu

³⁷i Ziza, yu di Shifi, ñetu di Alon, bisañetu di Yedaías; Yedaías tabata yu di Shimri i ñetu di Shemaías.

³⁸Pasobra e famianan menshoná a bira hopi,

³⁹nan a bai parti wèst di e vaye den direkshon di Guedor, pa buska kunuku di yerba pa nan bestianan por kome.

⁴⁰Enberdat aya nan a haña kunukunan fértil, riku na yerba. E region tabatin basta lugá pa tur hende i e tabata trankil i sigur. E habitantenan ku tabata biba aya ántes tabata pertenesé na pueblo di Ham.

⁴¹Durante reinado di Ezekías, rei di Huda, e famianan ariba menshoná a yega di ataká pueblo di Ham i destruí nan tèntnan. Tambe nan a derotá e meunitanan ku tabata biba einan. Nan a kaba ku nan kompletamente i a tuma e lugá pa nan. Te dia djawe nan ta biba ei, pasobra tabatin kuminda pa nan bestianan.

⁴²Ademas 500 miembro di tribu di Simeon a bai den serunan di Seír bou di guia di Pelatías, Nearías, Refaías i Uziel, yunan di Yishi.

⁴³Nan a mata e sobrá amalekitanan ku ainda tabata biba den e serunan ei i nan a keda biba ei te dia djawe.