Read Papiamento 1 Krónikanan 6 Bible Online

1 Krónikanan 6 - Papiamento bible

1 Krónikanan 6

¹Levi tabatin tres yu hòmber: Guershon, Kehat i Merari.

²Kehat tabatin kuater yu hòmber: Amram, Yishar, Hebron i Uziel.

³Amram tabatin dos yu hòmber: Aaron i Moises i un yu muhé, Miriam. Aaron tabatin kuater yu hòmber: Nadab, Abihu, Eleazar i Itamar.

⁴Desendientenan di Eleazar di tata pa yu tabata: Pinhas, Abishúa, Buki, Uzi, Zeraías, Merayot, Amarías, Ahitub, Sadok, Ahimaas, Azarías, Yohanan

¹⁰i Azarías, ku tabata e promé saserdote den e tèmpel ku Salomon a traha na Herusalèm.

¹¹Despues di Azarías a sigui: Amarías, Ahitub, Sadok, Shalum, Hilkías, Azarías, Seraías i Yosadak.

¹²

¹³

¹⁴

¹⁵Yosadak tabata un di e eksiliadonan tempu SEÑOR a laga Nebukadnèsar deportá poblashon di Huda i Herusalèm.

¹⁶Levi tabatin tres yu hòmber: Guershon, Kehat i Merari.

¹⁷Guershon tabata tata di Libni i Shimi;

¹⁸Kehat tabata tata di Amram, Yishar, Hebron i Uziel;

¹⁹Merari tabata tata di Magli i Mushi. Esakinan tabata famianan di levita.

²⁰Desendientenan di Guershon di tata pa yu ta: Libni, Yahat, Zima,

²¹Yoag, Ido, Zèrag i Yeatrai.

²²Desendientenan di Kehat di tata pa yu ta: Aminadab, Korag, Asir,

²³Elkana, Ebiasaf, Asir,

²⁴Tahat, Uriel, Uzías i Saul.

²⁵Elkana tabatin tres yu hòmber: Amasai, Ahimot i

²⁶Elkana. Esaki su desendientenan di tata pa yu ta: Sofai, Nahat,

²⁷Eliab, Yeroham, Elkana i Samuel.

²⁸Samuel tabatin dos yu hòmber: Yoel,[10] esun mayó, i Abías, esun di mas chikí.

²⁹Desendientenan di Merari di tata pa yu ta: Magli, Libni, Shimi, Usa,

³⁰Shima, Haguia i Asaías.

³¹Despues ku e arka di aliansa a haña un lugá fiho den santuario, David a nombra un parti di e levitanan pa guia e kantamentu.

³²Nan tabata para kanta dilanti di e tènt di enkuentro i tabata kumpli ku nan tarea di kantor segun e reglanan stipulá. Nan a sigui kanta einan te dia Salomon a traha e tèmpel na Herusalèm.

³³Esun ku tabata hasi e trabou akí di tata pa yu tabata Heman, Asaf i Etam. Heman di famia di Kehat tabata lider di e promé grupo di kantor. E tabata yu di Yoel, ñetu di Samuel.

³⁴Su otro antepasadonan tabata: Elkana, Yeroham, Eliel, Toag,

³⁵Suf, Elkana, Mahat, Amasai,

³⁶Elkana, Yoel, Azarías, Sofonías,

³⁷Tahat, Asir, Ebiasaf, Korag,

³⁸Yishar, Kehat, Levi i Israel.

³⁹Na man drechi di Heman tabatin Asaf, lider di e di dos grupo di kantor. E tabata yu di Bèrèkías i ñetu di Shima.

⁴⁰Su otro antepasadonan tabata: Mikael, Baaseas, Malkías,

⁴¹Etni, Zèrag, Adaías,

⁴²Etan, Zima, Shimi,

⁴³Yahat, Guershon i Levi.

⁴⁴Na man robes di Heman tabatin Etan di famia Merari, e tabata lider di e di tres grupo. E tabata yu di Kishi i ñetu di Abdi. Su otro antepasadonan tabata: Maluk,

⁴⁵Hashabías, Amasías, Hilkías,

⁴⁶Amsi, Bani, Shèmèr,

⁴⁷Magli, Mushi, Merari i Levi.

⁴⁸E otro desendientenan di Levi mester a hasi tur sorto di trabou den e tènt sagrado, santuario di Dios.

⁴⁹Pero solamente Aaron i su desendientenan direkto, e saserdotenan, mester a sirbi na e altá di sakrifisio di kandela i e altá di sensia. Tambe nan mester a hasi trabou relashoná ku e lugá santísimo i dirigí e seremonianan di pidi pordon pa pikánan di Israel, tur kos presis manera Moises, e sirbidó di Dios, a ordená.

⁵⁰E desendientenan di Aaron di tata pa yu ta: Eleazar, Pinhas, Abishúa,

⁵¹Buki, Uzi, Seraías,

⁵²Merayot, Amarías, Ahitub,

⁵³Sadok i Ahimaas.

⁵⁴Aki ta sigui un lista di tur e lugánan kaminda e desendientenan di Levi a haña un lugá di biba, despues ku e otro tribunan a tira lòt. E promé lòt a kai riba e saserdotenan, desendiente di Aaron, ku tabata pertenesé na famia di Kehat.

⁵⁵Nan a haña siudat Hebron ku e kunukunan di yerba rondó di dje den teritorio di Huda,

⁵⁶pero e pueblonan i e kunukunan pa planta rondó di Hebron, nan a duna Kaleb, yu hòmber di Yefune.

⁵⁷E desendientenan di Aaron a haña tambe fuera di siudat di asilo[11] Hebron, e siguiente siudatnan ku nan kunukunan di yerba: Libna, Yatir, Eshtemoa,

⁵⁸Hilen, Debir,

⁵⁹Ashan i Bet-Shèmèsh.

⁶⁰Den teritorio di Benhamin, nan a haña tambe: Gueba, Alemèt i Anatot ku nan kunukunan di yerba. Na tur e famia di Aaron a haña diestres siudat.

⁶¹E otro desendientenan di famia Kehat, ku tabata levita, a haña pa medio di tiramentu di lòt, dies siudat den teritorio di Manase ku ta keda wèst di Yordan.

⁶²E desendientenan di famia di Guershon a haña diestres siudat den teritorio di Isakar, Asher, Naftali i e otro parti di Manase, ku yama Bashan i ku ta keda ost di Yordan.

⁶³E desendientenan di famia di Merari a haña diesdos siudat den teritorio di Ruben, Gad i Zebulon.

⁶⁴Asina pueblo di Israel a duna e levitanan e siudatnan ku nan kunukunan di yerba.

⁶⁵E saserdotenan a haña pa medio di tiramentu di lòt e siudatnan ya menshoná den teritorio di e tribunan di Huda, Simeon i Benhamin.

⁶⁶E otro miembronan di famia Kehat a haña algun siudat ku nan kunuku di yerba den teritorio di Efraim.

⁶⁷E siudatnan akí tabata: Sihem, un siudat di asilo, situá den serunan di Efraim; tambe Guèzèr,

⁶⁸Yokmeam, Bet-Horon,

⁶⁹Ayalon i Gat-Rimon.

⁷⁰E sobrá miembronan di famia Kehat tambe a haña e siudatnan Aner i Bileam ku nan kunuku den teritorio di Manase, wèst di Yordan.

⁷¹Famia Guershon a haña e siguiente siudatnan ku nan kunuku di yerba: den teritorio di Manase, ost di Yordan: Golan den region di Bashan i Ashtarot;

⁷²den teritorio di Isakar: Kèdèsh, Dabrat;

⁷³Ramot i Anem;

⁷⁴den teritorio di Asher: Mishal, Abdon,

⁷⁵Hukok i Rehob;

⁷⁶den teritorio di Naftali: Kèdèsh den Galilea, Hamon i Kiriataim.

⁷⁷Sobrá miembronan di famia Merari a haña e siguiente siudatnan ku nan kunuku di yerba: den teritorio di Zebulon: Rimon i Tabor;

⁷⁸den teritorio di Ruben, parti ost di Yordan: Bèsèr, den mondi enfrente di Yériko, ademas Yahas,

⁷⁹Kedemot i Mefaat;

⁸⁰den teritorio di Gad: Ramot den Guilead, Mahanaim,

⁸¹Hèshbon i Yazer.