Read Papiamento 1 Krónikanan 7 Bible Online

1 Krónikanan 7 - Papiamento bible

1 Krónikanan 7

¹Isakar tabatin kuater yu hòmber: Tola, Pua, Yashub i Shimron.

²Tola tabatin seis yu hòmber: Uzi, Refaías, Yeriel, Yagmai, Yibsam i Shemuel. Nan tabata kabes di famia Tola, hòmbernan balente. Den tempu di David nan desendientenan tabata 22.600.

³Uzi tabata tata di Yizraías. Yizraías i su kuater yu hòmbernan Mikael, Obadías, Yoel i Yishías. Nan tabata kabes di famia.

⁴Nan tabatin asina tantu kasá ku yu ku tur nan famianan por a manda 36.000 hòmber prepará pa bai guera.

⁵Nan rumannan di e otro famianan di tribu di Isakar tambe tabata hòmber balente. Na tur nan tabatin 87.000 hòmber registrá.

⁶Benhamin tabatin tres yu hòmber: Bèla, Bèkèr i Yediael.

⁷Bèla tabatin sinku yu hòmber: Esbon, Uzi, Uziel, Yerimot i Iri. Tur tabata kabes di famia, sòldá balente. Nan tabatin 22.034 hòmber registrá.

⁸Bèkèr tabatin nuebe yu hòmber: Zemira, Yoash, Eliezer, Elyoenai, Omri, Yeremot, Abías, Anatot i Alemèt. Tur tabata yu hòmber di Bèkèr.

⁹Den registro di nan desendientenan tabatin 20.200 hòmber balente inskribí, kabes di famia kontá aden.

¹⁰Yediael tabatin un yu hòmber Bilhan i Bilhan tabatin shete yu hòmber: Yeus, Benhamin, Ehud, Kenaana, Zetan, Tarsis i Ahishahar.

¹¹Tur e ñetunan akí di Yediael tabata kabes di famia, sòldá balente. Den kaso di guera nan por a manda 17.200 hòmber servisio militar.

¹²Ir tabata tata di Shupim ku Hupim. Hushim tabata yu di un otro hende.

¹³Naftali tabata tata di Yagseel, Guni, Yesèr i Shalum. Nan wela tabata yama Bilha.

¹⁴Ku su kasá Manase tabatin un yu hòmber, yamá Asriel. Ku su konkubina arameo e tabatin Makir, tata di Guilead.[12]

¹⁵Makir a kasa ku Maaka, ruman muhé di Hupim i Shupim. Su di dos yu tabata Selofhat. Selofhat tabatin yu muhé so.

¹⁶Maaka, kasá di Makir, a haña dos yu hòmber; el a yama un Pèrèsh i e otro Shèrèsh. Shèrèsh tabatin dos yu hòmber, Ulam i Rèkèm.

¹⁷Ulam tabata tata di Bedan. Esakinan ta desendiente di Guilead, yu di Makir i ñetu di Manase.

¹⁸Makir su ruman muhé Molekèt a haña: Yishod, Abiezèr i Mala.

¹⁹Shemida a haña kuater yu hòmber: Agian, Shèkèm, Likhi i Aniam.

²⁰E desendientenan di Efraim di tata pa yu ta: Shutelag, Bèrèd, Tahat, Elada, Tahat

²¹i Zabad. Fuera di Shutelag, Efraim tabatin dos yu hòmber mas: Ezèr i Elad. Ora e dosnan akí a baha bai Gat pa hòrta bestia, e habitantenan di Gat a mata nan.

²²Nan tata Efraim a keda yora nan pa hopi tempu, su famianan a bin konsol'é.

²³Despues ku tempu di rou a pasa, el a tene relashon atrobe ku su kasá. Su kasá a sali na estado i a haña un yu hòmber ku el a yama Berías,[13] pasobra mala suerte a toka su famia.

²⁴Berías tabatin un yu muhé, yamá Sheera. El a laga traha Bet-Horon ariba i Bet-Horon abou i tambe Uzen-Sheera.

²⁵Berías tabatin dos yu hòmber tambe, Refag i Rèshèf. E desendientenan di Rèshèf di tata pa yu tabata: Telag, Tahan,

²⁶Ladan i Amihud, Elishama i

²⁷Nun. Nun tabata tata di Yozue.

²⁸E desendientenan di Efraim tabata doño di e siguiente lugánan kaminda nan tabata biba tambe: Betel ku e pueblonan ku tabata pertenesé na dje, Naara ost di Betel, Guèzèr den direkshon wèst i Sihem i Aya den direkshon nort, kada un ku e pueblonan ku tabata pertenesé na nan.

²⁹Miembronan di tribu di Manase tabata doño di Bet-Shean, Tanak, Megido i Dor, kada un ku e pueblonan ku tabata pertenesé na nan. Na e lugánan akí e desendientenan di Jozef, yu di Israel, tabata biba.

³⁰Asher tabatin kuater yu hòmber: Yimna, Yishua, Yishui i Berías, i un yu muhé, Serag.

³¹Berías tabata tata di Hèbèr i Malkiel, e fundadó di Birzait.

³²Hèbèr tabatin tres yu hòmber: Yaflet, Shomer i Hotam, i un yu muhé ku yama Shua.

³³Yaflet tabata tata di Pasak, Bimhal i Ashuat.

³⁴Su ruman Shomer tabatin kuater yu hòmber: Ahi, Roga, Yehuba i Aram.

³⁵Hotam[14] tabatin kuater yu hòmber: Sofag, Yimna, Shèlèsh i Amal.

³⁶E desendientenan di Sofag tabata: Suag, Harnefèr, Shual, Beri i Yimra,

³⁷Bèsèr, Hod, Shama, Shilsha, Yitran i Beera.

³⁸E desendientenan di Yètèr tabata: Yefune, Pispa i Ara.

³⁹Ulam tabatin tres yu hòmber: Arag, Haniel i Risia.

⁴⁰Tur esakinan tabata desendiente di Asher, kabesnan di famia sobresaliente, sòldánan balente i lidernan ekselente. Den registro di servisio militar tabatin 26.000 hòmber inskribí.