Read Papiamento 1 Krónikanan 9 Bible Online

1 Krónikanan 9 - Papiamento bible

1 Krónikanan 9

¹Tur israelita tabata inskribí den e lista di famia ku tabata registrá den buki di reinan di Israel. Pueblo di Huda a bai komo prizonero Babilonia, pasobra el a bira lomba pa Dios.

²E proménan ku a bolbe bai biba riba nan pida tereno den e diferente siudatnan tabata ademas di e israelitanan komun, e saserdotenan, e levitanan i e otro sirbidónan di tèmpel.

³E siguiente desendientenan di Huda, Benhamin, Efraim i Manase a bai biba na Herusalèm.

⁴Di e desendientenan di Huda: Utai, yu hòmber di Amihud. Su antepasadonan di yu pa tata tabata: Omri, Imri i Bani; Bani tabata desendiente di Pèrès, yu hòmber di Huda,

⁵Tambe a bini aserka di e desendientenan di Shèla: su yu mayó Asaías ku su yu hòmbernan

⁶i di e desendientenan di Zèrag: Yeuel. Di e desendientenan di Huda tabatin na tur 690 kabes di famia.

⁷Di e desendientenan di Benhamin: Salu, yu hòmber di Meshulam, ñetu di Hodavías, yu di Hasnua.

⁸Ademas Yibneías, yu hòmber di Yeroham; Ela, yu hòmber di Uzi i ñetu di Mikri, i tambe Meshulam, yu hòmber di Shefatías, ku tabata desendiente di Reuel, yu hòmber di Yibnías.

⁹Di e desendientenan di Benhamin tabatin na tur 956 hòmber segun e registronan. Tur tabata kabes di famia.

¹⁰Di e saserdotenan ta e siguientenan tabata biba na Herusalèm: Yedaías, Yoyarib i Yakin;

¹¹Azarías, hefe di e saserdotenan di santuario, yu di Hilkías i ñetu di Meshulam, tambe tabata biba aya. Su demas antepasadonan di yu pa tata tabata: Sadok, Merayot i Ahitub;

¹²ademas Adaías, yu hòmber di Yeroham, ñetu di Pashur i bisañetu di Malkías. Fuera di esakinan tabatin Masai, yu di Adiel, ñetu di Yagzera, bisañetu di Meshulam i, si sigui bai den liña di famia, di Meshilemit i Imer.

¹³Nan i tur e otro saserdotenan, kabes di famia, tabata na tur 1760 hòmber bon prepará pa servisio den santuario.

¹⁴Di e levitanan tabata biba na Herusalèm: Shemaías, di famia Merari; su antepasadonan di yu pa tata tabata: Hashub, Azrikam i Hashabías.

¹⁵Bakbakar, Hèrèsh i Galal; Matanías, yu di Mikas, ñetu di Zikri i bisañetu di Asaf.

¹⁶Tambe Obadías, yu di Shemaías, ñetu di Galal i bisañetu di Yedutun; Bèrèkías, yu di Asa, ñetu di Elkana, ku tabata biba ku su famianan den e pueblonan ku tabata pertenesé na Netofa.

¹⁷E siguiente hendenan ku tabata guardia na entrada di e tènt di enkuentro tambe tabata biba na Herusalèm, nan tabata: Shalum, Akub, Talmon i Ahiman.

¹⁸Shalum tabata na kabes di e grupo; ainda e tin su puesto na e Porta di Rei, parti ost. Guardianan asina tabata eksistí for di tempu ku e israelitanan tabata biba den tènt. Nan tabata pertenesé na e levitanan ku tabatin nan tèntnan rondó di e tènt sagrado.

¹⁹Pinhas, yu di Eleazar, — Dios bendishon'é — tabata nan kabesante. Despues Shalum, yu hòmber di Korèsh i ñetu di Ebiasaf, desendiente di Korag tabata enkargá ku e trabou akí huntu ku e otro hòmbernan di famia Korag. Nan tabata guardia na entrada di e tènt di enkuentro meskos ku nan antepasadonan tabatin kustumber di tene warda na entrada di kampamentu di SEÑOR.

²¹Zekarías, yu di Meshelemías, tambe tabata guardia na entrada di e tènt di enkuentro.

²²Na tur tabatin 212 hòmber enkargá ku e trabou di guardia na entradanan di tèmpel. Nan tabata inskribí den e pueblonan kaminda nan tabata biba. Fo'i tempu di David i profeta Samuel a introdusí e funshon akí.

²³Nan i nan desendientenan tabata enkargá ku tenementu di warda na entradanan di kas di SEÑOR, yamá Tènt.

²⁴E guardianan tabata pará na e kuater bandanan: ost, wèst, nort i zùit.

²⁵Tanten nan famianan, ku tabata biba den e pueblonan rondó di Herusalèm mester a bin yuda nan kumpli ku nan debernan pa un siman largu.

²⁶Pero e kuater guardianan prinsipal, ku tabata levita den servisio permanente, tabata responsabel pa e kuartunan di servisio i e kambernan di tesoro di tèmpel.

²⁷Nan tabata pasa nochi den e kuartunan rondó di tèmpel, pasobra nan mester a tene warda i habri e portanan tur mainta.

²⁸Algun di nan tabata kuida e ophetonan di servisio.

²⁹Otronan tabata responsabel pa hariña, biña, zeta di oleifi, sensia, speserei i tur opheto sagrado ku tabatin mester pa servisio.

³⁰Pero preparashon di salfi for di e spesereinan si a keda na enkargo di e saserdotenan mes.

³¹E levita Matitías, yu hòmber mayó di un tal Shalum di famia Korag, tabatin kòntròl diario riba loke tabata hòrna òf hasa pa ofrenda vegetal.

³²Riba tur sabat algun desendiente di famia Kehat tabatin e tarea di pone pan konsagrá riba mesa den tèmpel.

³³E levitanan, kabes di famia, ku tabata enkargá ku kantamentu no mester a hasi otro trabou den kuartu di servisio. Di dia i anochi nan tabata okupá ku nan tarea.

³⁴Esakinan tabata kabes di e famianan levita ku tabata biba na Herusalèm e tempu ei.

³⁵Un tal Yeiel a funda Guibeon i a bai biba aya ku su kasá Maaka.

³⁶Abdon tabata nan yu mayó. Nan otro yu hòmbernan tabata yama: Sur, Kish, Baal, Ner, Nadab,

³⁷Guedor, Ahio, Zekarías i Miklot.

³⁸Miklot tabata tata di Shimam. Nan tambe a bai biba serka nan famianan na Herusalèm.

³⁹Ner tabata tata di Kish i Kish tabata tata di Saul. Saul tabatin kuater yu hòmber: Yonatan, Malki-Shua, Abinadab i Eshbaal.

⁴⁰Yu hòmber di Yonatan tabata Merib-Baal ku tabata tata di Mikas.

⁴¹E yu hòmbernan di Mikas tabata: Piton, Mèlèk, Tagrea i Ahas.

⁴²Ahas tabata tata di Yara. Yara tabatin tres yu hòmber: Alemèt, Azmawèt i Zimri. Zimri tabata tata di Mosa.

⁴³Desendientenan di Mosa di tata pa yu ta: Bina, Refaías, Elasa i Asel.

⁴⁴Asel tabatin seis yu hòmber: Azrikam, Bokru, Yishmael, Shearías, Obadías i Hanan. Tur tabata yu hòmber di Asel.