Read Papiamento 2 Krónikanan 27 Bible Online

2 Krónikanan 27 - Papiamento bible

2 Krónikanan 27

¹Yotam tabatin 25 aña dia el a bira rei i el a goberná 16 aña na Herusalèm. Mama di Yotam tabata Yerusha, yu di Sadok.

²Yotam tabata hasi loke ta bon den bista di SEÑOR. El a hasi tur kos manera SEÑOR a orden'é. Den tur kos el a sigui bon ehèmpel di su tata Uzías, pero e sí no a persistí pa drenta tèmpel. Pero e pueblo a sigui ku nan aktonan pekaminoso.

³Ta Yotam a laga konstruí e entrada di tèmpel ku ta keda na altu. Tambe el a hasi diferente trabou na e muraya di siudat na altura di Ofèl.

⁴El a konstruí siudat den seru di Huda, i den e mondinan el a traha fòrti i toren.

⁵El a bringa kontra rei di e amonitanan i a vens'é. E aña ei e amonitanan mester a pag'é 3000 kilo di plata i 2200 tòn di trigo mas 2200 tòn di sebada. Asina nan a hasi e dos siguiente añanan tambe.

⁶Yotam a resultá di ta goberná ku man firme, pasobra su bista tabata riba SEÑOR den tur kos ku e tabata hasi.

⁷Sobrá historia di Yotam, e gueranan ku e tabata aden i su otro hazañanan, ta skibí den buki di e reinan di Israel i Huda.

⁸Bintisinku aña Yotam tabatin dia el a bira rei i el a goberná diesseis aña na Herusalèm.

⁹Yotam a bai sosegá i a der'é na Siudat di David. Su yu Ahas a siguié komo rei.