Read Papiamento Nehemías 7 Bible Online

Nehemías 7 - Papiamento bible

Nehemías 7

¹Ora e muraya tabata kla, mi a laga pone e portanan den entrada di siudat i e guardianan, e kantornan i e levitanan a haña nan tarea.

²Defensa di Herusalèm mi a konfia den man di mi ruman Hanani i di Hananías, komandante di e fòrti. Hananías tabata un hòmber ku bo por a konfia i ta poko hende tabatin asina tantu rèspèt pa Dios manera e.

³Mi a bisa nan: ‘No mag habri e portanan di Herusalèm promé ku solo bira kayente, i mester sera i rèndu nan miéntras e guardianan ta na nan pòst ainda. Tambe mester enkargá e hendenan di Herusalèm ku e vigilansia; algun hende mester okupá e pòstnan, otronan ta tene warda dilanti di nan kas.’

⁴Herusalèm tabata un siudat grandi i el a ekspandé na tur banda, pero e kantidat di habitante tabata chikitu i hopi kas tabata ruina ainda.

⁵Dios a pone den mi kurason pa yama e siudadanonan prominente, e lidernan i e pueblo pa inskribí den registro sivil. Na e okashon ei mi a deskubrí registro di e promé grupo ku a bolbe Herusalèm. Den dje mi a haña lo siguiente:

⁶Esaki ta e eksiliadonan ku a sali for di Bábel, kaminda rei Nebukadnèsar a hiba nan. Nan a bolbe provinsia di Huda i bai biba na Herusalèm i den e otro siudatnan di Huda, kada un den siudat di su antepasadonan. Nan a bai bou di guia di Zerubabel, Yeshua, Nehemías, Azarías, Raamías, Nahamani, Mordekai, Bilshan, Misperèd, Bigwai, Nehum i Baana. Aki ta sigui lista di e famianan israelita ku a bolbe i e kantidat di hòmbernan di kada famia:

⁷

⁸di famia di Parosh: 2172;

⁹di famia di Shefatías: 372;

¹⁰di famia di Arag: 652;

¹¹di famia di Pahat-Moab, esta desendientenan di Yeshua i Yoab: 2818;

¹²di famia di Elam: 1254;

¹³di famia di Zatu: 845;

¹⁴di famia di Zakai: 760;

¹⁵di famia di Binuí: 648;

¹⁶di famia di Bebai: 628;

¹⁷di famia di Azgad: 2322;

¹⁸di famia di Adonikam: 667;

¹⁹di famia di Bigwai: 2067;

²⁰di famia di Adin: 655;

²¹di Ater, esta desendientenan di Hizkías: 98;

²²di famia di Hashum: 328;

²³di famia di Besai: 324;

²⁴di famia di Harif: 112;

²⁵di famia di Guibeon: 95;

²⁶for di Betlehèm i Netofa: 188;

²⁷for di Anatot: 128;

²⁸for di Bet-Azmawèt: 42;

²⁹for di Kiriat-Yearim, Kefira i Beerot: 743;

³⁰for di Rama i Gueba: 621;

³¹for di Mikmas: 122;

³²for di Betel i Ai: 123;

³³di e otro Nebo: 52;

³⁴di e otro Elam: 1254;

³⁵di Harim: 320;

³⁶for di Yériko: 345;

³⁷for di Lod, Hadid i Ono: 721;

³⁸di Senaa: 3930.

³⁹Saserdotenan: di famia Yedaías, esta desendientenan di Yeshua: 973;

⁴⁰di famia Imer: 1052;

⁴¹di famia Pashur: 1247;

⁴²di famia Harim: 1017.

⁴³Levitanan: di famianan Yeshua i Kadmiel: di e yunan di Hodavías: 74.

⁴⁴Kantornan: famia Asaf: 148.

⁴⁵Guardianan di tèmpel: di famianan Shalum, Ater, Talmon, Akub, Hatita, i Shobai: 138.

⁴⁶Sirbientenan di tèmpel: di famianan Siha, Hasufa, Tabaot;

⁴⁷Keros, Sia, Padon;

⁴⁸Lebana, Hagaba, Shalmai;

⁴⁹Hanan, Guidel, Gahar;

⁵⁰Reayas, Resin, Nekoda;

⁵¹Gazam, Usa, Paseag;

⁵²Besai, Meunim, Nefusim;

⁵³Bakbuk, Hakufa, Harhur;

⁵⁴Baslit, Mehida, Harsha;

⁵⁵Barkos, Sísera, Temag;

⁵⁶Nesiag i Hatifa.

⁵⁷Di desendientenan di e sirbientenan di Salomon a bolbe e siguiente famianan: Sotai, Hasoferèt, Perida;

⁵⁸Yaala, Darkon, Guidel;

⁵⁹Shefatías, Hatil, di Pokerèt-Hasbaím, i famia Amon.

⁶⁰Na tur e sirbientenan di tèmpel i e desendientenan di sirbientenan di Salomon tabata 392.

⁶¹For di e siudatnan Tel-Melag, Tel-Harsha, Kerub, Adon i Imer 642 hende hòmber a bini bèk, pero nan no por a proba nan desendensia israelita. Tabata desendiente di Delaías, di Tobias i di Nekoda.

⁶²

⁶³Algun famia di saserdote tambe tabata den mesun situashon. Tabata e desendientenan di Hobaya, di Hakos i di Barzilai (Barzilai tabatin e nòmber ei pasobra el a kasa ku un yu di Barzilai di Guilead i a tuma nòmber di su suegu).

⁶⁴Nan a buska registro ku por a proba nan desendensia sin por a haña nan. P'esei a ekskluí nan for di e funshon di saserdote.

⁶⁵Ademas gobernador a prohibí nan di kome di e parti di ofrendanan sagrado ku tabata toka saserdotenan, te ora un saserdote por a tuma un desishon pa medio di Urim i Tumim.

⁶⁶Henter e komunidat huntu tabata 42.360 persona,

⁶⁷aparte di nan katibunan hòmber i muhé, ku tabata 7337. Nan tabatin tambe 245 kantor hòmber i muhé,

⁶⁸435 kamel i 6720 buriku.

⁶⁹Un parti di e kabesnan di famia i tambe gobernador a koperá ku e fondo pa rekonstruí tèmpel. Gobernador a duna ocho kilo di oro, sinkuenta kòmchi ku ta usa ora ta sprengu sanger i 530 túnika saserdotal.

⁷⁰Kontribushon di e kabesnan di famia tabata: 160 kilo di oro i 1100 kilo di plata.

⁷¹Sobrá di e pueblo a koperá ku 160 kilo di oro, 1000 kilo di plata i 77 túnika saserdotal.

⁷²Saserdotenan i levitanan, guardianan di tèmpel, kantornan ku tabata hende di pueblo, sirbientenan di tèmpel i tur otro israelita a bai biba den nan siudat original. Den prinsipio di e di shete luna, ora tur israelita tabata bibá den nan siudat,