Read Papiamento Salmo 101 Bible Online

Salmo 101 - Papiamento bible

Salmo 101

¹Di David. Un Salmo. Mi ke kanta di bondat i hustisia, kanta pa Bo, SEÑOR.

²Mi ke tene mi andá ireprochabel — ki ora Bo ta bini serka mi? Mi ke biba ku konsenshi limpi den mi kas tambe.

³Mi n' ke tene dilanti di mi bista nada ku n' ta pas; mi ta odia e proseder di infielnan, mi n' ke tin ke ber ku nan;

⁴Leu fo'i mi un konsenshi trosé, mi n' tin lei ku maldat.

⁵Es ku, skondí, ta papia malu di su próhimo, mi ta tapa su boka. Un bista arogante, idea, esei mi n' por wanta.

⁶Nan ku ta fiel den pais mi ta buska pa nan biba ku mi. Esun ku su kondukta ta perfekto, e so por sirbi mi.

⁷Den mi kas no por biba ningun hende ku ta gusta gaña otro. Un papiadó di mentira no por biba kaminda ami por mir'é.

⁸Dia aden dia afó, tur mainta, mi ta kaba ku pekadónan den pais, pa eksterminá for di siudat di SEÑOR tur hasidó di maldat.