Read Papiamento Salmo 113 Bible Online

Salmo 113 - Papiamento bible

Salmo 113

¹Alabá sea SEÑOR! Sirbidónan di SEÑOR, alabá, sí, alabá SEÑOR su nòmber.

²Alabá sea nòmber di SEÑOR for di awor te den tur eternidat.

³Fo'i salida di solo te k'e baha SEÑOR su nòmber mester ta alabá.

⁴SEÑOR ta altu elevá riba tur pueblo, su gloria altu riba shelu.

⁵Ken ta manera SEÑOR nos Dios, ku ta biba aya den altura;

⁶ku ta wak te den fondo abou pa mira shelu i tera;

⁷ku ta hisa hende pober fo'i den stòf, ta lanta un mizerabel for di sushi,

⁸pa pon'é sinta band'i hende importante, band'i hendenan altu di pueblo;

⁹ku ta duna un ama ku n' por fruta un lugá di honor den su kas komo mama kontentu di su yunan! Alabá sea SEÑOR!