Read Papiamento Salmo 116 Bible Online

Salmo 116 - Papiamento bible

Salmo 116

¹Mi ta stima SEÑOR: E ta skucha mi gritu di ousilio.

²El a paga mi atenshon, ta p'esei mi t'invok'É henter mi bida.

³Ora morto a shorotá mi ku kabuya, ansha di graf a drenta mi i benout 'i doló a kohe mi,

⁴m'a invoká nòmber di SEÑOR: ‘SEÑOR, salba mi bida!’

⁵SEÑOR ta klemente i hustu, E ta yen di kompashon.

⁶SEÑOR ta warda esnan ku ta sensio, den berans El a salba mi.

⁷Awor mi por bolbe bira kalmu: SEÑOR tabata bon pa mi.

⁸Sí, El a libra mi di morto, El a seka mi wowo i a mira pa mi no trompeká.

⁹Mi ta kana den presensia di SEÑOR den tera di bibunan.

¹⁰Mi ta'tin fe, maske mi a bisa: ‘Mi kurason ta pisá.’

¹¹Den mi desesperashon mi di: ‘Tur hende ta gaña.’

¹²Kon lo mi por paga SEÑOR tur bondat k'El a hasi mi!

¹³Lo mi hisa e bokal di salbashon i invoká SEÑOR su nòmber.

¹⁴Lo mi kumpli ku tur mi promesanan, ku mi a hasi na SEÑOR, ora henter su pueblo ta presente.

¹⁵Ta kosta SEÑOR hopi di mira su amigunan muri.

¹⁶O SEÑOR, mi ke ta bo sirbidó; bo sirbidó mi ta, ami, e yu di bo sirbiente: Bo a kibra mi buinan.

¹⁷Pa gradisí Bo, lo mi hasi un sakrifisio i invoká SEÑOR su nòmber.

¹⁸Lo mi kumpli ku tur e promesanan ku mi a hasi na SEÑOR, ora henter su pueblo ta presente

¹⁹den plenchi di tèmpel di SEÑOR, meimei di bo, Herusalèm. Alabá sea SEÑOR!