Read Papiamento Salmo 132 Bible Online

Salmo 132 - Papiamento bible

Salmo 132

¹Kantika di peregrinashon. SEÑOR, no lubidá riba David, riba tur molèster k'el a pasa,

²e huramentu k'el a hasi na SEÑOR, e promesa na Dios Fuerte di Yakob:

³‘Ami no ta drenta mi kas, lo mi no subi kama pa bai drumi,

⁴mi no ke duna mi wowonan soño, ni sikiera un sleim di soño,

⁵miéntras mi n' haña un lugá pa SEÑOR, un mansion pa Dios Fuerte di Yakob!’

⁶Nos a tende dje arka na Efrata, nos a hañ'é den kunukunan di Yaar:

⁷‘Ban e lugá kaminda Dios ta biba, kai ador'É dilant'i banki di su pia.’

⁸SEÑOR, lanta bai bo lugá di reposo, Abo ku bo Arka poderoso,

⁹bo saserdotenan bistí ku hustisia i bo fielnan gritando di legria.

¹⁰Pa amor pa David, bo sirbidó, no rechasá esun ungí.

¹¹SEÑOR a hura David, — i E n' ta hala su palabra atras —: ‘Lo Mi mira pa un di bo yunan bira susesor riba bo trono.

¹²Si bo yunan warda mi Aliansa, e mandamentunan ku Mi ta siña nan, nan mes yunan tambe lo sinta riba e trono akí pa semper.’

¹³Komo ta Sion SEÑOR a skohe, t'e E tabata ke pa su bibá:

¹⁴‘Sion ta pa semper mi morada, ei Mi ke biba, esei ta mi deseo.

¹⁵Lo Mi bendishoná su provishonnan, lo Mi yena su pobernan ku pan.

¹⁶Su saserdotenan lo bisti santidat i su fielnan lo grita di legria.

¹⁷Ei lo Mi laga nase fo'i David un spreit, yen di vigor: Ei mi ke pa esun ungí sende manera un lampi ku n' ta paga.

¹⁸Ku bèrgwensa lo Mi tapa su enemigunan, ma riba dje mi diadema lo bria!’