Read Papiamento Salmo 136 Bible Online

Salmo 136 - Papiamento bible

Salmo 136

¹Duna grasia na SEÑOR, komo E ta bon! Su amor ta eterno!

²Duna grasia na e Dios di tur dios! Su amor ta eterno!

³Duna grasia na SEÑOR di señornan! Su amor ta eterno!

⁴E so a hasi maravia: Su amor ta eterno!

⁵El a traha shelu ku saber. Su amor ta eterno!

⁶El a fiha tera riba awa. Su amor ta eterno!

⁷El a traha luseronan grandi: Su amor ta eterno!

⁸solo pa manda riba dia, Su amor ta eterno!

⁹luna i streanan pa manda riba anochi. Su amor ta eterno!

¹⁰El a dal tur yu mayó di egipsionan, Su amor ta eterno!

¹¹laga Israel sali for di den nan, Su amor ta eterno!

¹²ku man fuerte i ku brasa poderoso. Su amor ta eterno!

¹³Laman Kòrá El a parti na dos, Su amor ta eterno!

¹⁴pone Israel pasa meimei, Su amor ta eterno!

¹⁵hogando Fárao huntu ku su ehérsito. Su amor ta eterno!

¹⁶El a guia su pueblo den desierto, Su amor ta eterno!

¹⁷a derotá reinan famoso Su amor ta eterno!

¹⁸i a mata reinan poderoso. Su amor ta eterno!

¹⁹Sihon, rei di amoritanan, Su amor ta eterno!

²⁰i Og, rei de Bashan. Su amor ta eterno!

²¹El a duna su pueblo nán pais, Su amor ta eterno!

²²pa el a keda propiedat di Israel. Su amor ta eterno!

²³El a kòrda riba nos den nos bèrgwensa Su amor ta eterno!

²⁴i a libra nos di man di opresor. Su amor ta eterno!

²⁵E ta duna tur ser bibu alimento. Su amor ta eterno!

²⁶Duna grasia na Dios den shelu. Su amor ta eterno!