Read Papiamento Salmo 137 Bible Online

Salmo 137 - Papiamento bible

Salmo 137

¹Kantu di riunan di Bábel nos tabata sinta ta yora kada be ku nos a kòrda Sion.

²Den pal'i mangel ku tin ayabanda nos a kologá nos arpanan.

³Aya esnan ku a hiba nos prezu a pidi nos kanta pa nan; nos opresornan ker a tende algu alegre. ‘Kanta pa nos,’ nan a bisa, ‘un di e kansionnan di Sion!’

⁴Ma kon nunka nos por a kanta un di SEÑOR su kantikanan den un tera kompletamente straño!

⁵Herusalèm, si mi lubidá bo, mihó mi man drechi bira lam.

⁶Mi lenga por pega den mi boka, si mi no kòrda riba bo, si mi no preferá Herusalèm riba tur mi otro plasernan!

⁷Kòrda, SEÑOR, ki' edomitanan a hasi dia Herusalèm a kai, kon nan a grita: ‘Tumb'é, tumb'é, bash'é abou te na su fundeshi!’

⁸O Bábel, pronto un ruina, un bendishon pa esun ku lo paga bo loke bo a hasi ku nos!

⁹Felis esun ku ta kohe bo yuchinan dal nan plèchè kontra baranka!