Read Papiamento Salmo 139 Bible Online

Salmo 139 - Papiamento bible

Salmo 139

¹Pa maestro di kanto. Di David. Un salmo. B'a saminá mi, SEÑOR, i konosé mi.

²Ku mi sinta o lanta, Bo sa, ya djaleu B'a komprondé mi pensamentunan.

³Bo sa si mi ta kana o drumi, unda ku mi bai, Bo sa.

⁴Ningun palabra no ta sali fo'i mi boka ku Bo n' tabata sabi e kaba, SEÑOR.

⁵B'a rondoná mi di patras i dilanti, Bo a pone bo man riba mi.

⁶Tantu saber ta surpasá mi, ta muchu altu pa mi logra kapt'é.

⁷Unda mi por hui bo spiritu, unda mi por skapa fo'i bo bista?

⁸Ku mi subi bai shelu, Bo ta aya, ku mi drumi band'i mortonan, Bo t'ei.

⁹Ku mi bula riba ala di ourora baha na kosta di mas leu di laman:

¹⁰aya tambe bo man lo guia mi, bo man drechi, sigur, lo tene mi.

¹¹Ku mi bisa: ‘Skuridat por bien tapa mi i klaridat bira anochi rònt di mi’,

¹²ni tiniebla no ta skur pa Bo, anochi ta mes kla ku di dia, skuridat i lus t'e mesun kos.

¹³Sí, B'a forma mi te den mi mondongo, Bo a hila mi den barika di mi mama.

¹⁴Mi t'alabá Bo pasobra B'a traha mi di un manera asombroso, un milager. Hundu den mi kurason mi sa esei.

¹⁵Bo sa kon mi organismo a forma, kon mi ta'ta krese den skondí, bunita di flèktu den barika di tera.

¹⁶Fo'i promé ku mi a nase B'a mira mi; e dianan ku Bo a pone pa mi, den bo buki nan tur tabat'ei promé ku un di nan a yega.

¹⁷Dios, ki profundo bo ideanan ta pa mi, kuantu di nan tin na tur!

¹⁸Mas inkontabel ku pipita di santu! I si akaso mi kaba di konta,[91] anto mi n' ta kla ku Bo ainda.

¹⁹Dios, o kita bida di malbadonan, — Bai, boso tur ku tin man tur na sanger! —

²⁰ku ta papia riba Bo ku mal propósito, ta usa bo nòmber sin mester, e enemigunan![92]

²¹Lo mi n' odia, SEÑOR, es ku odia Bo i despresiá es ku lanta kontra Bo?

²²Mi ta odia nan di henter mi kurason, for di awor nan ta mi mes enemigu.

²³Dios, saminá mi i konosé mi kurason, purba mi pa Bo sa mi pensamentunan.

²⁴Mira pa mi n' sigui mal kaminda, guia mi p'e kaminda eterno!