Read Papiamento Salmo 20 Bible Online

Salmo 20 - Papiamento bible

Salmo 20

¹Pa maestro di kanto. Salmo di David. Mare SEÑOR por skucha bo na ora di apuro. Dios di Yakob, su nòmber protegé bo,

²manda bo ousilio for di su tèmpel i duna bo sosten for di Seru di Sion.

³Ohalá E por kòrda riba tur bo ofrendanan, apresiá bo sakrifisionan kimá riba altá.

⁴Mare E por kumpli ku bo íntimo deseonan i laga tur bo plannan sali eksitoso.

⁵Anto nos por selebrá bo viktoria, hisa bandera altu na laria den nòmber di Esun ku ta nos Dios. Ohalá SEÑOR por skucha bo orashon!

⁶Ya mi sa ku SEÑOR lo duna viktoria na su rei ungí, lo kontest'é fo'i su shelu santu, lo kai aden ku su poder pa salb'é.

⁷Tin ku ta konfia den garoshi, den kabai, ma nos den nòmber di SEÑOR, nos Dios.

⁸Ta nan lo trompeká i kai, ma nos ta keda firme riba pia.

⁹SEÑOR, duna rei viktoria i skucha nos dia nos yama Bo.[19]