Read Papiamento Salmo 28 Bible Online

Salmo 28 - Papiamento bible

Salmo 28

¹Di David. Mi ta invoká Bo, SEÑOR, mi Baranka, no hasi surdu; si Bo keda ketu, mi por parse hende ku a baha den graf.

²Skucha mi súplikanan duru, ora mi grita ousilio, ora mi hisa mi mannan na bo tèmpel santu.

³No tira mi afó ku malbadonan, ku hasidónan di maldat, ku ta papia dushi ku nan próhimo, ma ku maldat den kurason.

⁴Regla kuenta ku nan segun nan aktonan, segun maldat di nan echonan; paga nan pa e obra di nan man, paga nan pa nan akshonnan.

⁵Nan no ta aktu akshonnan di SEÑOR, ni obra di su man. P'esei lo E basha nan abou sin bolbe lanta nan.

⁶Bendishoná sea SEÑOR: El a skucha mi súplikanan duru.

⁷SEÑOR ta mi forsa, mi eskudo: mi kurason tin fe den djE. Anto mi a haña yudansa, mi kurason ta hubilá i mi ta gradisiÉ den mi kantika.

⁸SEÑOR ta fortalesa di su pueblo, E ta apoyo i refugio di esun ungí ku E mes a eligí.

⁹Salba bo pueblo, SEÑOR, bendishon'é, ta di Bo e ta! Warda bo karnénan, karga nan den bo brasa pa semper.