Read Papiamento Salmo 32 Bible Online

Salmo 32 - Papiamento bible

Salmo 32

¹Di David. Poema didáktiko. Felis t'esun ku su eror ta pordoná, kende su piká ta tapá.

²Felis ta e hende ku SEÑOR no ta tuma su krímen na kuenta, den kende su sintí no tin engaño.

³Pasobra miéntras mi no ker a papia, mi kurpa ta'ta pèrdè tur forsa di tantu kehamentu henter dia.

⁴Di dia i anochi bo man tabata pisa duru riba mi; m'a pashimá te den mi manteka di wesu, manera ta higra di solo a kimami.

⁵Ma mi a konfesá Bo mi piká, mi no a sigui skonde mi maldat; mi di: Laga mi konfesá SEÑOR mi faltanan. Anto B'a kita mi kulpa i piká.

⁶P'esei, laga tur ku ta kere resa na Bo den tempu di ansha;[35] e ora ei awa, maske kuantu e por subi, lo no ta kapas di alkansá nan.

⁷Abo, mi Asilo, ta warda mi di apuro, ta rondoná mi ku gritu di esnan ku ta gosa ku Bo a libra mi.

⁸‘Lo Mi duna bo instrukshon i lo mustra bo e kaminda ku lo bo tin ku sigui; lo Mi duna bo konseho, Mi no ta pèrdé bo fo'i bista.

⁹No keda manera un kabai, ni manera un mula sin sintí ku tin mester di frena i rienda pa bo por wanta nan stripada, sino nan no ta bini serka bo.’

¹⁰Hopi sla ta warda pekadónan, ma ken ku konfia den SEÑOR, Dios su amor lo rondon'é.

¹¹Keda kontentu: t'É ta SEÑOR! Hubilá pa su motibu, o fielnan; dal gritu di alegria, boso tur ku tin kurason sinsero.