Read Papiamento Salmo 36 Bible Online

Salmo 36 - Papiamento bible

Salmo 36

¹Pa maestro di kanto. Di sirbidó di SEÑOR, David. Piká ta kombersá ku pekadó den profundidat di su[37] ser; e no ta kai ariba mes ku hende mester tin rèspèt pa Dios.

²Piká ta kalanch'é asina tantu ku e n' por mira su kulpa ni odi'é.

³Loke e ta papia ta falsu, blo mentira, el a stòp di ta huisioso i hasi bon.

⁴Drumí na kama e ta studia maldat, su pia ta pegá den mal kaminda, e n' ta ria pa hasi kos malu.

⁵Ma bo amor, SEÑOR, ta yega te na shelu, bo fieldat ta mas altu ku nubia;

⁶bo hustisia parse serunan masivo, bo huisionan fondo di laman.

⁷Bo ta kuida hende i bestia: esta presioso, SEÑOR, ta bo bondat! Hende ta skonde den sombra di bo alanan.

⁸Nan ta disfrutá di e abundansia di bo kas, Bo ta laga nan bebe na riu di bo delisianan.

⁹Pasobra serka Bo tin e fuente di bida, den bo lus nos ta mira tur lus.

¹⁰Sigui mustra bo amor na esnan ku konosé Bo, bo hustisia na esnan ku ta di bon boluntat.

¹¹No laga pia di orguyosonan trapa mi, ni man di pekadónan menasá mi.

¹²Ata, malechornan ya a kai, tumbá abou nan no por lanta mas!