Read Papiamento Salmo 48 Bible Online

Salmo 48 - Papiamento bible

Salmo 48

¹Kantika. Salmo di yunan di Korag. SEÑOR ta grandi, digno di alabansa den siudat di nos Dios,

²su seru santu — altura bunita, alegria pa henter mundu! — Seru di Sion, paradero dibino, siudat di e gran Rei.

³Dios mes a resultá un baluarte denter di su fòrtinan.

⁴Pasobra mira, reinan a uni pa sali huntu kontra dje;

⁵sobresaltá pa su bista nan a kore bai spantá.

⁶Un temblamentu a kohe nan kurpa, manera ansha di un muhé na parto,

⁷o manera un orkan di pariba ku ta splèndu barkunan di Tarsis.

⁸Tur loke nos a tende nos a mira den siudat di SEÑOR di universo, den siudat di nos Dios: Dios a estables'é pa semper!

⁹Nos a rekordá bo fabornan, o Dios, paden di bo tèmpel.

¹⁰Manera bo fama, Dios, bo alabansa ta yega te na skinanan di mundu. Loke ta sali di bo man ta hustu.

¹¹Laga Seru di Sion ta kontentu i siudatnan di Huda kanta gloria di bo desishonnan hustu.

¹²Kana pasa rònt di Sion i konta e torennan ku e tin;

¹³paga atenshon na su murayanan, ripará su fòrtinan i konta na tur generashon ku ta bini:

¹⁴‘Mira, asina Dios ta, nos Dios den tur eternidat. E ta nos guia eternamente!’[42]