Read Papiamento Salmo 52 Bible Online

Salmo 52 - Papiamento bible

Salmo 52

¹ Pa maestro di kanto. Komposishon di David. Ora Doeg, di Edom, a laga Saul sa: David a drenta kas di Ahimelèk. Ki bo ta broma ku maldat, kampeon di mal ehèmpel?

²Henter dia bo ta studia[48] pèrdishon — bo lenga un nabaha mulá — sakadó di mentira!

³Bo gusta maldat mas ku bondat, engaño mas ku honrades.

⁴Daña kos ku bo palabra bo gusta, lenga mentiroso!

⁵Ma Dios lo kibra bo pa kaba, kohe bo lastra fo'i bo tènt, lo E saka bo rais afó, ranka bo for di tera di bibunan.

⁶Hende drechi lo mira, ku temor, i lo hari un hende asina:

⁷‘Ata e hòmber ku no a tuma Dios pa fortalesa di su bida, ku a stèns riba tur su rikesanan, birando semper pió.’

⁸Ma ami, manera oleifi bèrdè den kas di Dios, mi ta konfia den Dios su bondat tur ora, pa semper.

⁹Mi ke alabá Bo eternamente, pasobra Abo a hasié, i proklamá bo nòmber glorioso den presensia di bo fielnan.