Read Papiamento Salmo 56 Bible Online

Salmo 56 - Papiamento bible

Salmo 56

¹ Pa maestro di kanto. Na weis di ‘Palomba silensioso di lehania’. Di David. Na stèm mediano. Ora filisteonan a deten'é na Gat. Tene piedat di mi, o Dios, pasobra hendenan ta wak mi, henter dia nan ta ataká mi i nan ta hinka mi den pèrtá.

²Henter dia mi enemigunan ta lur mi, un trupa grandi ta bringa mi, Dios Altísimo.

³Dia mi sinti miedu, mi ta sigui konfia den Bo:

⁴den Dios, kende su palabra mi ta gaba, den Dios mi ta pone mi konfiansa; mi no tin miedu di nada, anto kiko hende por hasi mi?

⁵Henter dia nan ta trose mi palabranan, nan ta blo pensa pa hasi mi daño.

⁶Skondí nan ke kohe mi den trampa, nan ta spioná mi andá, wardando e momento pa mata mi.

⁷Pa hende ku tantu maldat akaso lo tin skapatorio? Dios, den bo furia dal e hendenan abou!

⁸Kuantu be mi a dualu, Abo so a hiba kuenta di esei. Bo ta tuma nota di mi lágrimanan; Bo no a skibi nan den bo buki?

⁹Sigur sigur, dia mi yama Bo, mi enemigunan lo hala atras; mi tin sigur: Dios ta huntu ku mi.

¹⁰Den Dios, kende su palabra mi ta gaba, den SEÑOR, — su palabra mi ta gaba —

¹¹den Dios mi ta pone mi konfiansa, mi no tin miedu di nada, anto kiko hende por hasi mi?

¹²E promesanan, o Dios, ku mi a hasi, ainda nan no ta kumplí; awor lo mi kumpli ku nan, ofresiendo mi gradisimentu.

¹³Pasobra B'a salba mi di morto, Bo a warda mi pia pa mi n' kai, pa mi por kana den presensia di Dios, den lus ku ta bida pa hende.