Read Papiamento Salmo 61 Bible Online

Salmo 61 - Papiamento bible

Salmo 61

¹Pa maestro di kanto. Ku kompañamentu di instrumèntnan di kuèrdè. Di David. O Dios, tende mi gritu, paga tinu na mi súplika.

²Fo'i rant di mundu mi ta sklama na Bo, mi kurason ta kai. Abo hiba mi na e baranka muchu altu pa mi so,

³pa motibu ku Bo ta mi refugio, un bastion kontra enemigu.

⁴Laga mi biba pa semper den bo kas i skonde bou 'i bo alanan.

⁵Abo, Dios, a skucha mi promesanan, B'a duna mi e tera ku ta toka esnan ku ta honra Bo.

⁶Duna rei hopi aña mas di bida; ku su bida por dura generashonnan tras di otro.

⁷Mare e por reina pa semper den presensia di Dios; laga bo bondat i fieldat ta su protekshon.

⁸E ora ei lo mi kanta pa semper alabansa di bo nòmber i lo mi kumpli dia aden dia afó ku mi promesanan.