Read Papiamento Salmo 63 Bible Online

Salmo 63 - Papiamento bible

Salmo 63

¹ Salmo di David. Ora e tabata den desierto di Huda. Dios, Bo ta mi Dios, mi ta buska Bo, mi alma tin set di Bo; mi kurpa ta muri pa Bo: un tera seku, sin bida, sin awa.

²Kon m'a fiha riba Bo den tèmpel pa kontemplá bo poder i bo gloria;

³bo amor tin mas balor ku bida mes, p'esei mi boka ta kanta bo alabansa.

⁴Henter mi bida mi ke gradisí Bo, invoká Bo ku mannan alsá,

⁵yena mi alma ku kuminda di mas riku i ku mi boka hubilá i alabá Bo.

⁶Drumí na kama mi ta kòrda riba Bo, mi ta pensa riba Bo henter anochi,

⁷pasobra semper Bo a keda mi yudansa, mi ta gosa den sombra di bo alanan.

⁸Ku tur mi alma mi ta pega na Bo, bo man drechi ta wanta mi duru.

⁹Ma esnan ku ke mata mi pa kaba, nan mes lo senk te den fondo di tera;

¹⁰nan lo muri komo víktima di spada, nan lo bira kuminda pa lobo.

¹¹Pero rei lo gosa den Dios; tur esnan ku a hura pa su nòmber por yama nan mes fortuná dia boka falsu ta tapá.