Read Papiamento Salmo 8 Bible Online

Salmo 8 - Papiamento bible

Salmo 8

¹Pa maestro di kanto. Na weis di Gat. Salmo di David. O SEÑOR, nos Dios, esta glorioso bo nòmber ta den mundu henter! Sí, bo splendor ta alsá te riba shelu!

²Pa boka di mucha i yu na lechi Bo ta lanta bo poder, pa bo atversarionan sa, pa enemigu i rebelde keda ketu.

³Mirando bo shelu, trabou di bo dedenan, luna i streanan ku Bo a fiha ayá,

⁴kiko hende ta pa Bo kòrda riba dje, yu di hende pa Bo sinti p'e?

⁵Bo a hasié poko ménos ku un dios,[7] Bo a koron'é ku gloria i honor;

⁶Bo a pon'é manda riba obra di bo man, tur kos Bo a buta bou 'i su pia:

⁷bestia chikí i baka, tur huntu, i tambe bestia di mondi,

⁸para di shelu, piská den laman, loke ta krusa kaminda di awa.

⁹O SEÑOR, nos Dios, esta glorioso bo nòmber ta den mundu henter!