Read Papiamento Salmo 97 Bible Online

Salmo 97 - Papiamento bible

Salmo 97

¹SEÑOR ta Rei, laga mundu ta kontentu i alegria bai di isla pa isla.

²Rondó di djE tin nubia skur, hustisia i derecho ta fundeshi di su trono.

³Kaminda E yega kandela ta bai su dilanti i ta kima tur esnan ku lo ke resistiÉ.

⁴Welek ta baña tur mundu na lus, tera ta mira i ta kuminsá tembla.

⁵Serunan ta dirti pa SEÑOR manera was, na yegada di SEÑOR ku ta Doño di henter mundu.

⁶Shelu ta anunsiá ku su huisionan ta hustu, pueblonan tur ta mira su gloria.

⁷Bèrgwensa pa esnan ku ta sirbi imágennan, ku ta orguyoso riba diosnan di awa dushi. Na rudia Su dilanti, boso tur, diosnan falsu!

⁸Sion a tende i keda kontentu, siudatnan di Huda a grita di alegria pa motibu di bo huisionan, SEÑOR.

⁹Pasobra Abo ta SEÑOR, Abo soberano, altu elevá riba mundu, hopi mas altu ku tur otro dios.

¹⁰Odia maldat, si boso stima SEÑOR. E ta warda bida di esnan ku ta siguiÉ, E ta salba nan fo'i gara di mal hende.

¹¹Sí, pa esnan ku ta bon hende lus ta sali,[74] alegria pa esnan di kurason sinsero.

¹²Tur bon hende, hasi boso kontentu den SEÑOR, alabá i invoká su nòmber santu.