Read Papiamento E kanto di tur kanto 3 Bible Online

E kanto di tur kanto 3 - Papiamento bible

E kanto di tur kanto 3

¹Den anochi, riba mi kama, mi ta busk'é, e amor di mi bida, mi ta busk'é sin por hañ'é.

²Mi mester lanta pa kana pasa den siudat, den kaya- i riba plenchinan, pa buska i buska e amor di mi bida, sin ku mi por hañ'é!

³E guardianan riba nan ronda di vigilansia den stat ta mira mi i mi ta puntra nan: ‘Boso no a mira e amor di mi bida?’

⁴Mi n' kana pasa nan ku ata un tiki mas ayá mi ta topa ku e amor di mi bida. Mi ta dal man ten'é i mi n' ta lag'é lòs, ku n' ta te ora mi gan'é den kas di mi mama, den kamber di esun ku a karga mi den su seno.

⁵Boso, damitanan di Herusalèm, mi ta supliká boso ku insistensia na nòmber di gasela- i binánan den kunuku: no lanta stimashon, no probok'é, promé ku e mes ke tum'aden.[12],

⁶Ken ta bini for di den desierto[13] ayá manera un kolumna di huma, den un dam fragante di sensia i mira i tur sorto di perfume eksótiko?

⁷Ata e talmu portátil di Salomon, eskoltá pa sesenta sòldá, e héroenan di mas balente di Israel.

⁸Nan tur ta armá ku spada, nan ta vèrsá den bringamentu. Kada un tin nan arma na hep, kla pa enfrentá peliger den anochi.

⁹Sí, rei Salomon a laga traha un talmu di palu noble di Libanon,

¹⁰speilunan di plata, lomba di oro, bòm furá ku tela kostoso; e parti paden ta furá ku amor pa man di mucha muhénan di Herusalèm.

¹¹Mucha muhénan di Sion, sali pafó, bai mira rei Salomon, ku korona di fiesta riba su kabes, ku su mama a bistié dia di su kasamentu, e dia mas felis di su bida.